Нов ноќен воздушен напад врз Украина: Голем број дронови испратени кон Киев

Украинските власти предупредија дека руски воени авиони се во воздух и дека постои закана од воздушни напади

Сирените за воздушен напад се огласија во текот на ноќта во Украина, а извештаи за експлозии пристигнаа од неколку градови. Воздушната тревога траеше околу еден час.

Украинските власти предупредија дека руски воени авиони се во воздух и дека постои закана од воздушни напади, вклучително и хиперсонични ракети „кинжал“, во сите региони на Украина.

„Голем број беспилотни летала се испратени кон Киев“,

изјави шефот на локалната воена администрација Серхиј Попко, кој подоцна објави дека сите дронови се соборени.

Попко тврди дека Кремљ се обидува да ја истроши воздушната одбрана на Украина со испраќање бранови дронови „шахед“ од иранско производство.

Засега нема извештаи за жртви или значителна штета на инфраструктурата.