АНКАРА (АА) – Претседателот на Туркије, Реџеп Таип Ердоган, најави дека во јули најниската плата на државните службеници ќе изнесува 22.000 турски лири (над 1.000 евра), јавува Анадолу.
„Ќе извршиме покачување на минималната плата на државните службеници не помалку од минималната плата на вработените во јавниот сектор. Во јули минималната плата на државните службеници ќе достигне 22.000 турски лири“, нагласи Ердоган во Анкара.
Ердоган рече дека зголемувањето на платите на државните службеници „автоматски ќе се одрази и на пензиите“.
„Му дадов инструкции на нашиот министер да ја заврши оваа работа до јули“, додаде турскиот претседател.
Во вторникот, Ердоган најави зголемување на платите за 45 отсто за 700.000 работници во јавниот сектор, зголемувајќи ја нивната минимална месечна плата на 15.000 турски лири (над 700 евра).
Извор: www.aa.com.tr
