Чавушоглу: „Средбата за Сирија на ниво на шефови на држави најверојатно ќе се одржи оваа година“

May 8, 2023
2 mins read

АНКАРА (АА) – Министерот за надворешни работи на Туркије, Мевлут Чавушоглу, денес изјави дека евентуалната средба на ниво на шефови на држави за Сирија најверојатно ќе се одржи оваа година, јавува Анадолу.

Во телевизиското интервју Чавушоглу рече во следната фаза по четирилатералниот состанок за Сирија меѓу Анкара, Москва, Техеран и Дамаск во среда, планира да одржи состанок на ниво на шефови на држави.

„Тоа, многу веројатно, ќе биде направено во 2023 година“, додаде тој.

Во врска со претстојниот состанок на министерско ниво за надворешни работи за Сирија во главниот руски град Москва, Чавушоглу рече дека разговорите ќе започнат во среда наутро, а ќе има и билатерални разговори. Иран потврди дека ќе учествува на министерско ниво.

„Примарна цел на овој ангажман е заживување на политичкиот процес. Без овој процес и политичко решение, конфликтот во земјата може да продолжи со децении“, рече тој.

„Дополнително, овој ангажман е ‘витално важен’ за Сиријците во Туркије да се вратат во своите домови“, рече тој.

„Исто така, друга точка на агендата на состанокот е борбата против терористите во регионот“, рече тој, додавајќи дека борбата против терористичките организации ДЕАШ и ПКК/ЈПГ е многу важна и за Туркије и за Сирија.

Тој додаде дека на средбата има теми на кои треба да се осврнат, како што се хуманитарните прашања и дека е неопходно да се соработува со сирискиот режим за овие прашања.

Потсетувајќи на посветеноста на Туркије за територијалниот интегритет и суверенитет на Сирија, тој рече: „Туркије е една од земјите што најмногу го поддржуваат територијалниот интегритет на Сирија. Ова прашање е од витално значење за Анкара.“

Истакнувајќи дека треба да се преземат чекори за да се обезбеди единство во Сирија и треба да се преземе заедничка акција во овој поглед, Чавушоглу рече: „На Сирија ѝ е потребна трајна нормализација и ние сакаме да придонесеме за тоа.“

Минатиот декември министрите за одбрана и шефовите на разузнавање на Туркије, Русија и сирискиот режим се состанаа во Москва и се договорија да продолжат со трипартитните состаноци за да се обезбеди стабилност во Сирија и поширокиот регион.

Иран, исто така, беше вклучен во разговорите, при што Туркије претходно изјави дека Анкара ќе биде „задоволна доколку Иран биде вклучен во овој процес“.

Освен тоа, повторувајќи ги напорите на Туркије за нормализација на односите со Ерменија, Чавушоглу рече дека нивна цел е да преземат некои чекори кон нормализација со Ерменија и да придонесат за мировните преговори меѓу Ерменија и Азербејџан.

Запрашан за инаугурацијата на „Споменикот Немезис“ во ерменскиот главен град Ереван, тој рече дека со споменикот Ерменија уште еднаш покажала дека „не е искрена во процесот на нормализација“.

Споменикот е посветен на сторителите на атентати врз османлиските политички и воени лидери во раните 1920-ти години, како и на тогашните азербејџански функционери, па дури и на некои османлиски граѓани со ерменско потекло, се вели во соопштението на турското Министерство за надворешни работи.

Чавушоглу, исто така, нагласи дека „не е прифатливо да им се подигне статуа на терористи што убиле дипломати, османлиски и азербејџански функционери“.

​​​​​​​ „Туркије ја предупреди Ерменија дека ќе ги преземе ‘потребните чекори’ доколку не ја отстранат статуата“, рече тој.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS).

MARKETING

MARKETING

Претходно

Бектеши: Македонија има најниски цени на храна и гориво

Следно

По повеќе од три години заврши глобалната здравствена вонредна состојба поради КОВИД-19

Latest from Blog

Филипче: Власта има 1.8 милиони евра за кампањи, но нема средства за семејствата на настраданите во Кочани

На средбата се разговараше за потребата од државна  поддршка  за семејствата на настраданите од трагедијата во Кочани. Претседателот Филипче посочи дека власта не прифати ниту еден  предлог на СДСМ за помош за

Барди ќе го носи дресот на Коњаспор

Капитенот на македонската фудбалска репрезентација Енис Барди денеска беше претставен како нов играч на Коњаспор. Тој во следните две сезони ќе го носи дресот на овој турски тим. Ова воедно ќе биде

Сиљановска-Давкова и Бегај во Охрид: Двете земји можат да постигнат успех во заштита на Охридското езеро, природата и заедничкото природно богатство

Претседателката Гордана Сиљановска-Давкова денеска во вилата „Билјана“ во Охрид го прими претседателот на Република Албанија, Бајрам Бегај, кој е во работна посета на земјава. Обајцата соговорници изразија задоволство од воспоставеното пријателство и

Мицкоски: Не очекувам поинаква реторика од источниот сосед, светот и Европа видоа која беше целта на бугарските политичари

Не очекувам од нашиот источен сосед и да испрати поинаква порака. Тие мора пред нашите европартнери и партнерите во НАТО да рефлектираат реторика со која ќе не обвинуваат нас, дека ние сме

Швјонтек по победата: Никогаш не очекував да го освојам Вимблдон

На убедлив начин полската тенисерка Ига Швјонтек во финалето без загубен гем ја совлада Американката Аманда Анисимова со 2:0 во сетови. Во официјалното обраќање на Централниот терен, Швјонтек изјави: -Никогаш не очекував
Go toTop