Фон дер Лајен утре во посета на Киев, ќе разговара со Зеленски

May 8, 2023
1 min read

Во петокот ЕК на амбасадорите на земјите членки им го претставила предлогот за 11-тиот пакет санкции против Русија, кој првенствено ќе биде насочен против оние што ѝ помагаат на Русија да ги избегне санкциите

Претседателката на Европската комисија (ЕК), Урсула фон дер Лајен, утре, на Денот на Европа, 8 Мај, ќе го посети Киев и ќе се сретне со украинскиот претседател Володимир Зеленски, соопшти денеска портпаролот на ЕК.

„Претседателката на Комисијата ќе ја потврди непоколебливата поддршка на Европската унија за Украина“,

изјави Ерик Мамер.

Тоа ќе биде петта посета на Фон дер Лајен од почетокот на руската агресија врз Украина на 24 февруари минатата година.

Мамер рече и дека во петокот ЕК на амбасадорите на земјите членки им го претставила предлогот за 11-тиот пакет санкции против Русија, кој првенствено ќе биде насочен против оние кои ѝ помагаат на Русија да ги избегне санкциите.

По правило, Комисијата не објавува предлози за санкции додека не добие согласност од земјите членки, кои за тоа ќе расправаат во наредните денови. Според дипломатски извори, ЕК предлага да се создаде законска можност за ограничување на извозот во земјите за кои постои сомневање дека ѝ помагаат на Русија да ги заобиколи санкциите.

Тоа треба да биде еден вид одвраќање, а доколку не е ефективно, Унијата би можела да воведе забрана за извоз на производи наменети за двојна употреба, цивилна и воена, во одредени земји. Исто така, можно е неколку кинески компании да се најдат на санкционираната листа.

Извор: 360stepeni.mk

MARKETING

MARKETING

Претходно

ЕУ подготвува нови санкции поради руската војна против Украина

Следно

Шентоп: „Балканот сѐ уште без трајни решенија за многу проблеми“

Latest from Blog

Турскиот претседател ги повика Азербејџан и Русија да покажат воздржаност поради тензиите

ИСТАНБУЛ (АА) – Турскиот претседател Реџеп Таип Ердоган денес ги повика Русија и Азербејџан да покажат воздржаност поради зголемените тензии меѓу двете земји, истакнувајќи дека Анкара има „длабоки и стратешки врски“ и

Косовскиот парламент евакуиран поради добиена безбедносна закана

Зградата на Собранието на Косово денеска беше евакуирана по наредба на обезбедувањето, непосредно пред почетокот на 42-то продолжение на конститутивната седница. Пратениците кои беа во салата веднаш заминаа од парламентот, додека во
Go toTop