Ученикот беше тестиран за да се утврди дали бил под дејство на дрога или некоја психоактивна супстанција
Резултатот од токсиколошкиот наод на 13-годишното момче, кое вчера во Основното училиште „Владислав Рибникар“ во Белград уби девет лица (чуварот и осум ученици), е негативен, објави денеска адвокатката Ирина Боровиќ во изјава за новинската агенција Танјуг.
Примероци за да се направат анализите од момчето беа земени вчера вечерта со цел да се утврди дали бил под дејство на психоактивни супстанции во моментот кога го изврши масакрот.
Покрај деветмината убиени, момчето вчера рани и седум други лица – шест ученици и наставничката по историја.
По повод трагедијата, во училиштето денеска беше најавено дека ќе се отвори Книга на жалоста.
Околу училиштето, пак, од вчера граѓани положуваат цвеќиња и палат свеќи. Исти сцени во кои граѓани им одаваат последна почит на убиените денеска можеа да се видат и на други локации во Белград и во други градови низ Србија, но и од регионот, како на пример, во Загреб и Сараево.
*Поврзани вести:
- (ФОТО+ВИДЕО) Со црна јакна на главата, полицијата го спроведе ученикот што пукаше во школо во Белград
- Момчето само се јавило во полиција и пријавило дека пукало, имало список и план, објави српското МВР
- (ВИДЕО) Мајка на ученичка по масакрот во Белград: Моето дете е уште во шок, под адреналин, не можеме да го смириме
- Видов како чуварот паѓа на под, почнав да трчам – исповед на девојче што било сведок на пукањето во училиштето во Белград
- Обвинителството од Белград: Момчето не може кривично да одговара, нема наполнето 14 години
- Заврши увидот во училиштето во Белград, телата на убиените деца и чуварот се подигнати од местото
- Вучиќ предложи мерки по трагедијата на Врачар: Да се намали старосната граница за кривична одговорност од 14 на 12 години
- По масакрот во Белград, српското МВР најави контроли – дали сопствениците го чуваат оружјето според прописите
- (ФОТО) Илјадници граѓани во Белград и во Нови Сад им оддадоа почит на жртвите од трагедијата во Врачар
Извор: 360stepeni.mk
