Лајчак: Утрешниот состанок со Вучиќ и Курти во Брисел е исклучително важен

May 1, 2023
1 min read

Специјалниот претставник на ЕУ за дијалог меѓу Србија и Косово, во објава на Фејсбук ја сумира минатата недела, велејќи дека на Економскиот форум во Делфи се сретнал со косовскиот премиер Курти, со цел детално да се подготви за претстојната средба во рамките на дијалогот меѓу Белград и Приштина што ќе се одржи на 2 мај во Брисел

Специјалниот претставник на Европската Унија за дијалог меѓу Србија и Косово, Мирослав Лајчак, оцени дека утрешната средба во Брисел, во рамки на дијалогот меѓу српскиот претседател Александар Вучиќ и косовскиот премиер Албин Курти, ќе биде особено важна.

Мирослав Лајчак, специјален претставник на ЕУ за дијалогот меѓу Србија и Косово

Тој во објава на Фејсбук ја сумира минатата недела, велејќи дека на Економскиот форум во Делфи се сретнал со косовскиот премиер Курти, со цел детално да се подготви за претстојната средба во рамките на дијалогот меѓу Белград и Приштина што ќе се одржи на 2 мај во Брисел.

„Мојата последна недела почна и заврши во земји за кои Западен Балкан е високо на агендата. За дијалогот меѓу Белград и Приштина го информирав мојот добар пријател, министерот за надворешни работи на Грција. Разговарав и со косовскиот премиер Албин Курти за деталната подготовка за претстојната средба на високо ниво на 2 мај, која ќе биде особено важна“,

вели Лајчак.

Во пресрет на утрешниот состанок со претседателот на Србија, косовскиот премиер Албин Курти изјави оти нема да дозволи создавање на нова форма на Република Српска на северот на Косово, ниту, како што рече, сателитска парадржава со деструктивна суштина да ја поткопа државноста на Косово.

На состанокот од 27 февруари во Брисел беше договорен текстот на договорот за патот кон нормализација на односите меѓу Косово и Србија. Вучиќ и Курти, под покровителство на ЕУ, на 18 март одржаа состанок и во Охрид каде беше постигнат договор и за анексот за имплементација на сите членови од Договорот.

Лидерите не го потпишаа договорот, но според претставниците на ЕУ и САД, и покрај тоа, двете страни се обврзани да ги спроведат сите точки предвидени во него.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Руски воз излетал од шините по експлозија во близина на границата со Украина

Следно

(ВИДЕО) Ново издание на 360°: За ВМРО-ДПМНЕ, СДСМ и Обвинителството случајот со куќата на тештата на Даштевски на Халкидики како да не постои

Latest from Blog

Коњановски: Во 2027 година се планира пуштање делница од 12 километри на автопатот Прилеп–Битола

Делница од 12 километри од автопатот Прилеп–Битола е планирано да биде пуштена во сообраќај во 2027 година, а до крајот на 2028 година да бидат асфалтирани вкупно 28 километри. Ова било најавено

Проданоски: Потенцијалот на младите да го претвориме во дела за Прилеп

Повеќе од 200 млади од Прилеп учествуваа во симулација на Европскиот парламент, преку која се запознаа со функционирањето на европските институции, носењето одлуки и значењето на демократската дебата. Градоначалникот Дејан Проданоски ја

Божиновска: Македонија е дел од трансатлантскиот дијалог за енергетска безбедност

Министерката за енергетика, рударство и минерални суровини, Сања Божиновска, на 18 и 19 ноември ќе учествува на Седмиот состанок на Партнерството за трансатлантска енергетска соработка (P-TEC) во Варшава, Полска, организиран во соработка

Коњановски: Гласот на младите треба да се преточи во конкретни локални решенија

Триесет средношколци од Битола развија проектни предлози за решавање проблеми во својата заедница, во рамките на проектот ЛАПСИ – Локални активни платформи за социјални иновации. На денешната работилница тие ги финализираа идеите

Општина Прилеп: Втор повик за поддршка на семејствата со првачиња во учебната 2026/2027 година

Општина Прилеп објави втор јавен повик за доделување еднократна парична помош на семејствата со деца запишани во прво одделение во учебната 2026/2027 година. Повикот е наменет за родителите кои не аплицирале во
Go toTop