Општина Карпош повторно ги повика граѓаните да аплицираат за субвенции за купување на нов велосипеди, електричен тротинет и електричен велосипед.
Субвенционирањето почна на 21 март, а од општина Карпош потенцираат дека останале уште 200.000 денари од вкупно 700.000 кои беа наменети за субвенции.
-Ве известуваме дека сѐ уште е во тек акцијата за субвенционирање при купување на нов велосипед, електричен тротинет и електричен велосипед, која започна на 21.03.2023 година. Поточно, од вкупниот фонд од 700.000 денари кој Општина Карпош го обезбеди за оваа намена, на располагање се уште 200.000 денари. Во таа насока ве поттикнуваме да аплицирате за овие субвенции, доколку сакате да се подновите со горенаведените превозни средства.
Како што претходно информиравме, оваа акција трае до исцрпување на предвидените финансиски средства, при што важи принципот “прв дојден, прв услужен“. Ве потсетуваме дека локалната самоуправа субвенционира до 30% од цената на купување на нов велосипед, или во максимален финансиски износ, најмногу до 3.000 денари. Општината дава субвенции и за купување на електричен тротинет и електричен велосипед во висина до 30% од цената, односно најмногу до 5.000 денари, информираат од општина Карпош.
За подетални информации кликнете на следниов линк https://bit.ly/3TLkc9z.
ИЗВОР: skopjeinfo.mk
