Во соопштението на Истражниот комитет, кој го пренесе РИА новости, се наведува дека се отворени кривични постапки против еден обвинител и тројца судии од Судот во Хаг
Потегот на Русија следува откако Меѓународниот кривичен суд во петокот соопшти дека издал налог за апсење на рускиот претседател Владимир Путин под обвинение за сторени воени злосторства
Истражниот комитет на Русија отвори кривична постапка против обвинителите и судиите од Меѓународниот кривичен суд (МКС) во Хаг, откако во петокот Судот соопшти дека издал налог за апсење на рускиот претседател Владимир Путин под обвинение за сторени воени злосторства.
Во соопштението на Истражниот комитет, кој го пренесе РИА новости, се наведува дека се отворени кривични постапки против еден обвинител и тројца судии од Судот во Хаг.
Во петокот, на 17 март, Меѓународниот кривичен суд соопшти дека издал налог за апсење на рускиот претеседател, притоа наведувајќи дека Путин е осомничен за воено злосторство илегална депортација на население (деца) и нелегално преселување на население (деца) од окупираните територии на Украина во Русија.
Освен за Путин, Судот со седиште во Хаг издаде налог за апсење и на Марија Алексеевна Лвова-Белова, комесарка во Канцеларијата на претседателот на Русија за правата на децата.
По веста од Хаг, официјална Москва изјави дека одлуките од Меѓународниот кривичен суд немаат влијание врз Русија и дека секој нивни налог за апсење е ништовен зашто земјата не е членка на Римскиот статут на МКС и нема никаква обврска кон него.
Извор: 360stepeni.mk
