Ново издание на 360°: Интервју со Курти во пресрет на средбата со Вучиќ во Охрид

Погледнете го новото издание на емисијата „360 степени“, емитувано на 17 март 2023 г. на ТВ Алсат, во кое гостуваше премиерот на Косово, Албин Курти

Во интервјуто со косовскиот премиер Албин Курти, кое го води новинарот на „360 степени“ Хекуран Акифи и е снимено денеска во Приштина, доминираат прашањата поврзани со очекувањата од утрешната средба во Охрид. Курти и српскиот претседател Александар Вучиќ, со посредство на високиот претставник на ЕУ, Жозеф Борел, се очекува да разговараат за имплементација на договорот за кој на последниот состанок во Брисел рекоа дека нема потреба понатаму да се преговара. Неизбежна тема е Заедницата на општини со мнозинско српско население. Курти вели дека оди во Охрид со добра волја и верба, но дека не може да гарантира за другата страна. Го прашуваме и за односот со партиите на Албанците во Македонија, како и за косовското искуство со ,,Бехтел и Енка”.