Германскиот канцелар Шолц се противи на ублажувањето на санкциите за Русија

Германскиот канцелар Олаф Шолц денес ја отфрли секоја можност за ублажување на санкциите за Русија, велејќи дека неодамнешните настани покажале дека Москва „во моментот не е заинтересирана за вистински мир“, јавува Анадолу.

Говорејќи за новинарите во Париз по Самитот на европските лидери за Украина, Шолц потврди дека Германија и нејзините сојузници ќе ја задржат поддршката за Украина додека продолжуваат преговорите за прекин на огнот меѓу Киев и Москва.

„Видовме како се одвиваа преговорите досега, Русија додава нови барања по секоја рунда. Ова јасно покажува дека Русија во моментов не е заинтересирана за вистински мир“, рече Шолц, повикувајќи на зголемен притисок врз Москва за унапредување на преговорите за прекин на огнот.

„Запирањето на санкциите во овој момент би било голема грешка. Овие санкции мора да продолжат и дополнително да се развиваат. Европа и САД мора да заземат јасен став заедно“, изјави Шолц и додаде: „Нема смисла да се укинат санкциите додека не се постигне мир и за жал, како што гледате, сѐ уште сме далеку од тоа“.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.