Спасувачки екипи и механизација за расчистување на патиштата се на терен, како и голем број полицајци кои ги исклучуваат возилата од сообраќај од патиштата кои се непроодни и ги упатуваат да се засолнат
Снежната бура предизвика хаос во Хрватска. Најпогодена е Далмација каде има целосен сообраќаен колапс и овој дел е отсечен од остатокот од државата.
До ваква ситуација дојде откако денеска по 14:30 часот регионот на Далмација го зафатија врнежи од големи количини снег и силни ветрови.
Како што јавуваат хрватските медиуми, речиси и да нема слободен патен правец кон и од Далмација кон другите делови од Хрватска.
Голем број возила се заглавени, а хрватската полиција ги повика граѓаните да не патуваат. За оние кои веќе се на патиштата и се заглавени, вечерва беа отворени четири прифатни центри.
Спасувачки екипи и механизација за расчистување на патиштата се на терен, како и голем број полицајци кои ги исклучуваат возилата од сообраќај од патиштата кои се непроодни и ги упатуваат да се засолнат.
Извор: 360stepeni.mk
