Во текот на вчерашниот ден и денеска по полноќ полицијата уапси повеќе лица за дрога на подрачјето на Скопје. Меѓу уапсени е и еден малолетник.
-На 30.04.2023 во 20.35 часот на подрачјето на Центар, од полициски службеници бил лишен од слобода малолетник од Скопје, затоа што кај него била пронајдена и одземена марихуана.
-На 30.04.2023 во 21.25 часот пред казино на подрачјето на Ѓорче Петров, од полициски службеници бил лишен од слобода Ф.А.(33) од Скопје, затоа што кај него била пронајдена и одземена прашкаста материја.
-На 01.05.2023 во 01.15 часот на подрачјето на Аеродром, од полициски службеници бил лишен од слобода А.Т.(21) од Скопје, затоа што кај него била пронајдена и одземена грутчеста материја.
-На 01.05.2023 во 02.00 часот на подрачјето на Карпош, од полициски службеници се лишени од слобода М.Б.(27) и С.И.(21) двајцата од Скопје, затоа што кај нив биле пронајдени и одземени прашкаста материја и марихуана.
-На 30.04.2023 во 23.50 часот на подрачјето на Ѓорче Петров, од полициски службеници бил лишен од слобода Х.П.(20) од Скопје, затоа што кај него била пронајдена и одземена марихуана.
По целосно документирање на сите одделни случаи ќе следи соодветен поднесок против сторителите.
ИЗВОР: skopjeinfo.mk
