21-годишник е обвинет за напад врз 19-годишна девојка во Скопје. Обвинителството тврди дека на 14 јануари осомничениот ја следел девојката од трговски центар до влез во зграда, каде што ја нападнал и ја допирал.
Според објавените информации од Јавното обвинителство на Република Македонија (ЈОРМ), жртвата влегла во трговски центар и додека плаќала на една од касите, осомничениот, кој исто така пазарел во продавницата, ја забележал. Тој ја следел до блиска зграда, каде што ја нападнал и започнал да ја допира. Девојката успеала да се спротивстави и со викање го принудила напаѓачот да побегне. Осомничениот бил уапсен од полицијата неколку дена по настанот.
Обвинителството предложи мерки за заштита, како што се одземање на пасошот на осомничениот, редовно јавување кај надлежни лица и целосна забрана за приближување или контакт со жртвата.
Судот го прифати предлогот и ги определи мерките за обезбедување на жртвата и процесот.
ИЗВОР: racin.mk
