Арне Слот зборуваше по катастрофалниот пораз на Ливерпул од 4-1 од ПСВ Ајндховен во петтото коло од Лигата на шампионите.
„Истиот проблем е во последните неколку недели. Емоциите се исклучително негативни, има разочарување“, започна Слот.
Ова беше втор пораз за „црвените“ во ЛШ оваа сезона.
„Би сакал да ги истакнам и позитивните страни – начинот на кој играчите реагираа на резултатот од 0-1, бидејќи игравме многу добро пред паузата. По уште еден разочарувачки момент, се вративме во играта. Мислам дека имавме доволно шанси да поведеме со 2-1 и на полувреме не мислам дека некој очекуваше да изгубиме со 4-1“, рече Слот.
Поразот го остави тимот предводен од холандскиот специјалист надвор од првите 8 на табелата и сериозно ги загрози шансите за директен пласман во 1/8 финалето на најпрестижниот европски клупски турнир.
„Мислам дека Ван Дајк беше малку турнат кога беше досуден пеналот и ја изгуби рамнотежата, што го натера да ја крене раката и да ја прифати. Но, не мислам дека ВАР некогаш ќе ја промени одлуката поради толку мало туркање“, додаде Слот.
Ливерпул сега има три последователни порази во сите натпреварувања.
„Примивме гол на почетокот на второто полувреме, но создадовме неколку добри шанси за израмнување. Сепак, 10-15 минути пред последниот свиреж повторно примивме“, додаде Слот.
„Црвените“ исто така претрпеа втор последователен пораз на Енфилд, откако беа поразени со 3-0 дома од Нотингем Форест за време на викендот.
„Тешко е да се прифати. Откако примивме ран гол, реагиравме онака како што сакавме, што е тешко бидејќи загубивме многу за време на викендот и губевме со 1-0 по само шест минути“, објасни Слот.
Црвените на Битлси сега имаат околу 72 часа да се опорават пред нивното патување во Вест Хем во Премиер лигата, каде што исто така имаат многу да надоместат.
„Го видов менталитетот на кој се надеваш, но по толку многу разочарувања не е секогаш лесно. Конечниот резултат беше 1-4 и тоа е уште еден голем пораз“, заклучи Слот.
Извор: vecer.mk
