Современата сексуална култура им ветува на жените ослободување и автономија, но истражувањата и искуствата од реалниот живот ја откриваат неочекуваната цена на сексуалната авантура во новите, “современи“ услови небаре претходно тоа не се практикувало.
Откако постои општетсвото и родовите имало секс “на брзина“, од време на време со некого случајно или намерно, без притоа да се создава меѓусебна релација и заедничка хемија. И без меѓусебни обврски. Хормонално празнење или полнење, зависно кому што треба, без никакви намери за врска со другата страна. Сега, во “современото време“ е во употреба последниот поим – “секс без обврски“.
Случајниот секс сам по себе не е штетен, но занемарувањето на личните потреби или емоционалните граници може да има негативни емоционални последици за некои луѓе. И покрај ветувањето за слобода и лесна интимност, сексот без обврски може да предизвика некои жени да се чувствуваат исцрпено.
„DW“ (Дојче Веле) разговараше со жени од Северна Америка, Европа и Азија кои ги опишаа своите искуства: сексуалните авантури им дадоа чувство на самодоверба на краток рок, но подоцна им беше потешко да постигнат подлабока интимност.
Хедер, четириесетгодишна жена од САД, го опишува овој конфликт како чувство на „празнина, тага и привремена моќ, но секогаш со желба за повеќе“. За време на случаен секс, таа често се обидуваше да ги „исклучи своите емоции“, што го доживуваше како „отсекување на дел од себе“.
Нејзиното искуство со негативната страна на оваа сексуална култура се совпаѓа со малку истражена состојба наречена посткоитална дисфорија (PCD) – кога луѓето се чувствуваат тажно, раздразливо или треба да плачат по секс.
Во една студија од 2020 година, жените пријавиле овие симптоми по доброволен секс “без обврски“ – некои рекле дека се случило по оргазам – заедно со чувство на исцрпеност или емоционална нестабилност со часови или денови потоа.
Мажите исто така пријавуваат PCD, но историската стигма околу женската сексуална автономија и личните очекувања доведоа до тоа некои студии да покажат дека дури три од четири жени доживуваат PCD по случаен секс.
Мотивацијата е различна – а резултатите се различни
„Не мислам дека сум создадена за култура на секс без обврски“, вели Ишта, Французинка од индиско потекло во триесеттите години. „Повеќе копнеам по врска отколку по секс. Често се надевав дека мојот партнер ќе развие чувства кон мене или дека ќе почнеме да се забавуваме.“
Сексуалната желба е сложен феномен. Некои истражувања покажуваат дека сексуалната желба кај жените често е обликувана од потребата за блискост, што го отежнува одржувањето на емоционална дистанца за време на случаен секс “без обврски“ и создава терет и чувство на вина потоа.
Тара Сувињатикајпорн, професорка по сексуална и комуникација во врските на Калифорнискиот државен универзитет, тврди дека ова често е последица на воспитувањето на девојчињата:
„Уште од мали нозе, жените се социјализирани да бидат грижливи, топли. А тоа се квалитети кои се спротивни на емоционалната дистанца. Затоа им е многу потешко да имаат секс без обврски“, вели таа.
Симптомите на PCD може да се појават кога желбата за блискост останува неисполнета, а може дополнително да се влошат со ниска самодоверба. Иако не е правило, луѓето, пред се мажите, со поголема самодоверба кои практикуваат секс без обврски честопати се помалку погодени од негативни емоционални последици, за нив тоа е рутина и не посветуваат многу внимание на партенрот, ниту пак одговор на прашањата “кој“ и “зошто“.
Извор: vecer.mk
