ДУИ ја обвинува ВРЕДИ за лицемерие поради иницијативата „Отворен Балкан“. Темата стана актуелна откако премиерот на земјава, Христијан Мицкоски, е во дводневна посета на Белград на саемот на вино, кој се организира во рамките на Отворен Балкан. Пратеничката од ДУИ, Арбана Пашоли, потсети на ставовите на лидерите на ВРЕДИ додека беа во опозиција.
-Пред не повеќе од 6 месеци го изјавуваа следното: Движењето Беса во тоа време ја обвини Владата на РСМ дека е учесник во Отворен Балкан, кој според Беса е српско-руски проект. Исто така, јавно прашуваме уште колку од вашите ставови ќе промените во текот на следните неколку месеци. Или поточно, дали ќе останете на ставот кој јавно сте го кажале. Колку можете да голтнете? Само со една цел, лични интереси и инаети, вели Арбана Пашоли, пратеничка на ДУИ.
На оваа тема вчера зборуваше Изет Меџити од ВРЕДИ, кој рече дека иницијативата „Отворен Балкан“ не ја постигнала својата мисија и не е инклузивна иницијатива во која треба да се вклучи целиот регион.
И Христијан Мицкоски, додека беше во опзоиција го критикуваше „Отворен Балкан“. Тој изјави дека иницијативата има многу недостатоци и за истата треба да се разговара со стратешките партнери.
ИЗВОР: ТВ 21
