Posted on во категоријата Македонија

Уапсени четири лица за плакати против пратениците што го поддржуваат Договорот од Преспа

Плакати со фотографии на пратениците кои го поддржуваат и ќе гласаат за ратификација на Договорот од Преспа беа залепени во Солун и …Продолжи да читаш

регион

Posted on во категоријата Регион

Мицотакис: Глас за доверба за Ципрас е еднакво на „да“ за Договорот од Преспа

Кирјакос Мицотакис, во интервјуто на грчката телевизија Антена рече дека тоа значи продолжување на мандатот на владата која веќе има направено голема …Продолжи да читаш

Posted on во категоријата Регион

Каменос: Ние велиме никаква употреба на терминот Македонија и ова го вели мнозинството од грчкиот народ

Лидерот на Независни Грци, Панос Каменос во интервју за грчката телевизија Стар изјави дека на сите начини што уставно му стојат на …Продолжи да читаш

свет

Posted on во категоријата Свет

(Видео) Британскиот парламент гласаше против Договорот за Брегзит на Меј

Пратениците во британскиот парламент го отфрлија Договорот за Брегзит на премиерката Тереза Меј со ЕУ. На барање на лидерот на опозициските Лабуристи …Продолжи да читаш

бизнис

технологија

Posted on во категоријата Технологија

Паметен механички часовник по цена од речиси 50 илјади евра

Познатиот американски бизнисмен, инженер, инвеститор и еден од татковците на iPod, Тони Фадел учествуваше во изработката на досега најскапиот паметен часовник на …Продолжи да читаш

култура

Posted on во категоријата Култура

Археолошкиот музеј подготвен за изложбата „100 години Требениште“

Ексклузивната изложба „100 години Требениште“ по повод еден век од истражувањата на овој локалитет кај Охрид, Археолошкиот музеј на Македонија ќе ја …Продолжи да читаш

спорт

Posted on во категоријата Спорт

ВИДЕО: Голден Стејт постигна 51 поен во една четвртина, Денвер без одговор за шампионот

Изминатата НБА вечер беше одбележана од рекордната четвртина на Голден Стејт, кој без голема мака се справи со лидерот на Западот, Денвер …Продолжи да читаш

Posted on во категоријата Спорт

Митревски: Да одиграме што е можно подобро со Шпанија, за да се подготвиме за Исланд

Голманот на македонската репрезентација, Никола Митревски стрпливо ја чека својата шанса на Светското првенство, а можеби баш денес против Шпанија ќе блесне. …Продолжи да читаш

Posted on во категоријата Спорт

ВИДЕО: Н’Гесан херој на Франција – еве го голот за големото реми против Германија

Репрезентациите на Германија и Франција одиграа извонреден натпревар, кој на крајот заврши со реми, а од таквиот исход понезадоволни можат да бидат …Продолжи да читаш

Posted on во категоријата Спорт

Германија и Франција со реми обезбедија следна фаза на СП

Во дерби натпреварот од 4. коло на групата А на ракометниот Мундијал, во „Мерцедес Бенц Арената“, Франција и Германија одиграа извонреден натпревар, во кој …Продолжи да читаш

Ибраими во самата завршница и донесе драматична победа на Шкендија, Академија Пандев го презема врвот

во категоријата Спорт

ibraimi vs renova

Програмата од шестото коло во Првата македонска фудбалска лига продолжи со четири натпревари ова попладне, а наспроти новата победа која ја оствари Академија Пандев, за издвојување е драматичниот триумф кој го оствари актуелниот шампион.

Шкендија многу потешко од очекувањата оствари победа на гостувањето во Кратово, бидејќи стигна до три бода против тимот на Силекс со погодок постигнат во последната акција. Бесарт Ибраими со својот нов гол повторно беше херој за тетовските „црвено-црни“ со лобот кој го изрежира во 94-та минута, а претходно во листата на стрелците се запишаа Бојку за гостите, односно Грозданоски за Силекс.

Крајно возбудливо беше и на мечот во Пелагонија, бидејќи Академија Пандев остана на врвот на табелата по вистинската голеада во мечот со Победа. „Пандевци“ имаа водство од 0:2 со головите на Миловановиќ и Шиков, Победа се врати во игра со погодоците на Ефремов и Мустафов, но гостите постигнаа уште два гола во продолжение. Миловановиќ со својот втор гол повторно го врати водството на гостите, а конечните 2:4 ги постави Дориев од пенал.

На останатите два меча, Шкупи ја победи Македонија со 2:1, а Беласица славеше на гостувањето кај Ренова со 0:2.

Извор: https://derbi.mk/

СДСМ: Има ли Мицкоски план за европска иднина на Македонија?

во категоријата Македонија

Скопје, 23 септември 2018
Ајде Мицкоски, ако немаш план за бојкот поддржи го планот за влез на Македонија во НАТО и ЕУ
Ако Мицкоски нема план за бојкот, има ли план ЗА европската иднина на Македонија?
Македонија сега слободно дише и има еден план, стратешки план за влез во НАТО и ЕУ, за сигурна и стабилна иднина.
ВМРО-ДПМНЕ веруваме го има истиот план.
Ајде Мицкоски поддржи го планот за влез на Македонија во НАТО и ЕУ со заштитен и признаен македонски идентитет.
Поддржи и приклучи се кон огромното мнозинство граѓани, партиски и непартиски граѓани, кои сакаат Македонија да успее, да ја биде.
На 30 септември нема да има избори, тој ден не е за битка меѓу партии, не е за битка со Мицкоски.
30 септември е ден за голема одлука на сите граѓани. Одлуката за македонската иднина.
Да сака СДСМ уште утре ќе го порази Мицкоски на избори. Но, сега прашањето е за иднината, таа одлука е многу поголема од сите политички партии заедно.
Мицкоски може да докаже дали е искрен, јавно да ги повика членовите на ВМРО-ДПМНЕ да излезат на 30 септември и да гласаат по сопствено убедување.
Ајде Мицкоски!
Центар за комуникации со јавноста на СДСМ
____________________________________________________________
– овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
 
 

Извор:https://www.mia.mk

Петровска одлична, но Трир загуби од Цвикау

во категоријата Спорт

Тимот на Трир, каде настапува македонската интернационалка Ангела Петровска, загуби на гостувањето кај составот на Цвикау со 29-26, во натпревар од третото коло во Втората Бундеслига.
Петровска беше меѓу најдобрите поединки на овој дуел во гостинскиот состав и постигна четири погодоци, но ниту тоа не беше доволно да се забележи позитивен резултат на гостувањето.
Трир уште нема победа, а шансата за прв сезонски триумф ќе ја бара исто така на гостински терен против екипата на Бејероде следниот викенд.

Извор: https://www.gol.mk/

Сириски екстремисти не го прифаќаат Договорот помеѓу Русија и Турција

во категоријата Свет

Екстремистичката група Хорас ел Дин (Чувари на религијата) соопшти дека нема да го почитува Договорот постигнат помеѓу Русија и Турција за воспоставување на демилитаризирани зони во сирискиот регион Идлиб, додавајќи оти нема да се повлече од тоа подрачје.Хорас ел Дин наведува дека Договорот за воспоставување на зони до 15 октомври е „голема завера“ и го повика своите следбеници од целиот свет да дојдат во Сирија „да му помогнат на народот во Левант“.Идлиб е последното големо упориште на бунтовниците во Сирија.Хорас ел Дин е поврзана со Ал Каеда.Сириски екстремисти не го прифаќаат Договорот помеѓу Русија и Турција was last modified: September 23rd, 2018 by Naum Lokoski

Извор: https://a1on.mk/

Димитров во Битола: Одговорноста за иднината е на сите нас

во категоријата Македонија

Министерот за надворешни работи, Никола Димитров, вчера и денеска беше во посета на општина Битола.Тој ја искористи посетата за средби со младите во Битола, како и со градоначалничката на Битола, Наташа Петровска.За време на пријатната и неформална средба со младите, министерот Никола Димитров разговараше за предизвиците со кои тие се среќаваат, нивните планови и идеи за нивната лична иднина, како и иднината на Македонија. Министерот истакна дека Битола и регионот има важна историска улога во оформувањето на македонското културно наследсво, но и многу важна улога во нашата европска иднина, земајќи ја во предвид традиционално дипломатската димензија на градот. Откако ги ислуша младите, Димитров потврди дека 30 септември е неверојатно важно скалило кон нашата европска и евроатлантска иднина и сите заедно имаме историска одговорност да го искажеме нашиот став преку врвната демократска алатка – референдумот.Министерот исто така даде интервју за регионалниот медиум, Тера Телевизија. Активностите продолжуваат денеска во Велес.Димитров во Битола: Одговорноста за иднината е на сите нас was last modified: September 23rd, 2018 by Naum Lokoski

Извор:https://a1on.mk/

Иџе со прва изјава по жестокиот дуел со Давидовски: Никој не сакаше да попушти

во категоријата Спорт

idze-viktor-monza

Македонските возачи, Игор Стефановски и Виктор Давидовски успешно ја комплетираа и втората трка на легендарната патека „Монца“, но денеска интересно беше тоа што двајцата имаа навистина возбудлива битка во борбата за 15-то место.

Во македонското дерби во Италија, на крајот како поуспешен излезе поискусниот Иџе, а тој за „Дерби“ го даде и првиот коментар по крајот на трката која не ја започна онака како што посакуваше бидејќи доби удар од Џованарди.

– Имав добар старт, но бев удрен од Џованарди и паднав на последното место. Ми требаше време да се соземам и да се вратам во тркачки ритам. На крајот, имав жесток дуел со Виктор во кој никој не сакаше да попушти, па имавме и мал допир. Тоа беше вистинско дерби, – порача Иџе.

Извор: https://derbi.mk/

Курти: Mора да се запре oпасната авантура на Тачи со границите

во категоријата Свет

Лидерот на опозициското Движење Самоопределување (ВВ) Албин Курти ја нарече „лична авантура“ на косовскиот претседател Хашим Тачи неговата идеја за корекција на границата со Србија и порача дека таа мора да се запре што е можно поскоро, јави дописникот на МИА од Приштина.
Курти на конференција со претседателите на ограноците на неговата партија нагласи дека не смее да се дозволи таа опасна игра на Тачи да продолжи.
– Оваа лична авантура на претседателот мора да се запре. Мораме да ја прекинеме таа опасна игра, рече Курти.
Лидерот на втората најголема опозициска партија во косовското Собрание побара тим за преговори со Србија да се формира единствено откако соседната држава ќе понесе одговорност за убиствата, исчезнатите, силувањата и грабежите во последната војна.
– Треба да се предаде на Србија тој список и да и се каже дека имаме 1.500 исчезнати лица,  20.000 силувани жени. Ние имаме потреба да и се обратиме на Србија за тоа што ни го должи. Се согласувам дека еден ден треба да има таков преговарачки тим, но не без да се поминат неизбежните фази, порача Курти.
Курти минатата недела ги повика граѓаните на Косово, политичките партии и граѓанските организации на протест што, во организација на неговата партија, ќе се одржи на 29 септември во Приштина. Целта на протестот, како што рече лидерот на ВВ, е „да се запре пазарењето со границите на Косово“, државата „да се одбрани од Тачи“ и народот на Косово да покаже дека „не се потчинува на еден човек“.
1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Извор: https://1tv.mk/

Пендаровски: Со евроатланските интеграции ќе отвориме перспективи за младите и за сите други

во категоријата Македонија

Со евроатланска интеграција на Македонија младите ќе добијат поголема можност во својата држава и ќе се намали иселувањето во странство, им укажа денеска на вевчанци националниот координатор за НАТО Стево Пендаровски.
Во рамки на кампањата „Излези ЗА Европска Македонија“ имаше средби со различни категории граѓани, од младите до пензионерите, на кои им ги презентираше придобивките што значи да се гласа „за“ на референдумот на 30 септември и што ќе значи тоа за Македонија.
Пендаровски појасни дека прво ќе влеземе во НАТО за околу една година, што ќе значи сигурност и гарантирање на територијалниот интегритет на Македонија.
– Една држава која има гарантиран територијален интегритет и суверенитет и стабилни и заштитени граници има одлична можност да се развие и економски, рече Пендаровски.
Веднаш по членството во НАТО, според него, се зголемува и бројот на странските и домашните инвестиции, бидејќи иднината на државата е загарантирана. Перспективите во однос на економијата се уште поголеми со влезот во ЕУ.
– Ние имаме датум за почеток на преговори во јуни 2019 година. Ако го реализираме овој договор гаранциите од Брисел се дека ќе почнеме преговори во јуни идната година. Тоа значи отворање на уште поголеми перспективи за младите, но и за сите возрасни категории. Не постои ниту една држава во Европа која се развила, а да не била дел од Унијата особено поранешните комунистички држави. На сите нив им помогна ЕУ и НАТО да се стабилизираат и да направат економски развој, истакна Пендаровски.
Во Вевчани, како и во другите населени места, нагласи, расположението расте и изрази убедување дека разликата на 30 септември ќе биде голема на оние кои се „ЗА Европска Македонија“.
– Резултатот нема да биде тесен, многу луѓе се убедени од придобивките на земјата со влез во НАТО и ЕУ и се сигурни дека ќе гласаат „за“. Барем во Вевчани мислам дека не треба да се убедуваат многу луѓето, посебно младите. Тие се една космополитска генерација која има шетано низ светот, но и со модерните технологии знаат што значи да си изолиран, а што да си дел од модерниот свет, изјави Пендаровски.
1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Извор: https://1tv.mk/

Кривичен реагира за тврдењата за маратонско судење за 27 април

во категоријата Македонија

Скопје, 23 септември 2018 (-) – Основниот суд Скопје 1 – Скопје денеска со соопштение реагира на, како што се наведува, зачестените обвинувања од бранителите на обвинетите во предметот поврзан со настаните од 27-ми април во Собранието на Република Македонија дека судот не им овозможува услови квалитетно да ја подготват одбраната поради долготрајноста на судењето.
– Правото на судење во разумен рок е едно од фундаменталните правила и принципи утврдени со Европската конвенција за човекови права. Впрочем поголем дел од пресудите на Европскиот суд за човекови права во Стразбург, кои Република Македонија ги загубила, се однесуваат на судење во неразумен рок, односно непотребно одолговлекување на постапките и пасивност на правосудните органи со што директно се нарушуваат основните права и слободи на странките во постапките, се вели во соопштението.
„Маратонското судење“ како што во последно време се квалификува овој процес, како што се наведува, е исклучива креација на дел од одбраната во овој предмет, за разлика од судот чија интенција е навремено и квалитетно водење на судската постапка со целосно почитување на правата на странките и донесување мериторна одлука за утврдување на фактичката состојба за конкретниот настан, што е од интерес и на целокупната јавност.
– Опструкциите кои доаѓаат од дел од адвокатите во овој предмет може да ја „извртат“ реалната слика за судењето. Имено стручната јавност и претставниците на медиумите кои го следат судењето се сведоци дека процесот долго трае бидејќи поголем дел од поставените прашања од некои бранители или нивните штитеници не се вкрстени, се претходно одбиени или се повторуваат, односно не се во согласност со одредбите од ЗКП. Се поднесуваат барања за изземање на претседателот на судечкиот совет за кои и на самите адвокати им е јасно дека се неиздржани, но заради доследно почитување на Законот, се прават дополнителни паузи на судењата за да се одлучи по истите барања, стои во соопштението.
Судот, како што се наведува, вложува напори се со цел почитување на правата на обвинетите кои се во притвор, па за време на судењето се прават дополнителни паузи за ручек. Доколку некој од странките има здравствени проблеми судот е должен да повика медицинска помош, што впрочем и беше случај на две главни расправи при што првата беше одложена, а на обвинетиот му беше овозможен целосен преглед на Клиниката за кардиологија.
– Со оглед дека поголем дел од бранителите во овој предмет имат обврски и во други предмети, судот за конкретното судење насрочи рочишта за во наредните четири месеци, се со цел да им овозможи на бранителите на време да го усогласат својот распоред за работа или доколку е потребно да назначат нивна замена со цел на своите клинети да им обезбедат квалитетна одбрана, се посочува во соопштението. 
Од Судот потсетуваат дека адвокатите кои најчесто имаат замерки за водењето на овој предмет мора да имаат предвид дека освен нивните штитеници, со конкретниот предмет опфатени се и обвинети кои издржуваат мерка притвор и додаваат оти во нивен интерес е постапката да се води ефективно и на времено.
Судот ја информира јавноста дека повреда на членот 6 од ЕКЗП е возможно само доколку странките во постапката немаат ист третман.
– Ова е од голема важност бидејќи тенденциозните критиките кон судот неаргументирано доаѓаат само од едната странка во постапката. Имено од известувањата на медиумите, кои го следат секој момент од судењето, евиденто е дека на ниедна од странките досега не и е ускратено ниту еден од Законски утврдените права, а сето тоа во правец за доследно почитување на принципот на еднаквост на оружјата, утврдување на материјалната вистина, транспарентно водење на постапката и почитување на човековите права, се вели во соопштението од Основниот суд Скопје 1 – Скопје. мд/ев/15:45
###
 

Извор:https://www.mia.mk

оди на почеток