Posted on во категоријата Македонија

Јован Митревски наместо Артан Груби ќе ги филтрира вработувањата во новата УБК

Претеникот Јован Митревски е именуван за член на комисијата за избор на вработените во новоформираната Агенција за национална безбедност. Тој доаѓа наместо …Продолжи да читаш

Posted on во категоријата Македонија

Лути на Заев, НДП и Весел Мемеди се повлекуваат од власта

Националната демократска преродба и нејзиниот претседател, Весел Мемеди, ја напуштаат и Владата и Собранието. Причина за тоа е одлуката на премиерот Заев …Продолжи да читаш

Posted on во категоријата Македонија

Македонски државјанин летал од Скопје до Дортмунд, од аеродром завршил во затвор

Македонски државјанин е уапсен во вторникот наутро на аеродромот во Дортмунд, и веднаш приведен во истражен затвор поради истржување на казна од …Продолжи да читаш

регион

Posted on во категоријата Регион

За изборите во Албанија в недела ќе бидат ангажирани над 12.000 полициски службеници

Повеќе од 12.000 припадници на албанското Министерството за внатрешни работи ќе бидат ангажирани на денот на локалните избори,30 јуни, од нив околу …Продолжи да читаш

свет

Posted on во категоријата Свет

Почна гласањето за нов Генерален секретар на Советот на Европа

Парламентарците од 47 земји членки на Советот на Европа од изутринава гласаат за избор на нов Генерален секретар на најстарата паневропска организација, …Продолжи да читаш

Posted on во категоријата Свет

Доделени сертификатите на припадниците на Армијата за познавање на турскиот јазик

СКОПЈЕ (АА) – Денеска во Министерството за одбрана на Република Северна Македонија, на 12 припадници на Армијата им беа доделени сертификати за …Продолжи да читаш

бизнис

Posted on во категоријата Економија

„Владата се фали со економијата, а го менува Тевдовски“

Владата и Основното јавно обвинителство се без конкретен одговор по обвинувањата на екс-советникот во Министерството за финансии Бранимир Јовановиќ за местење на …Продолжи да читаш

технологија

култура

Posted on во категоријата Култура

Министерството за култура отвотено за барањата на синдикатот на културни работници

Од министерството за култура велат дека во неодамнешниот процес на нивелација на платите во сферата на културата, учество земале сите релевантни фактори …Продолжи да читаш

Posted on во категоријата Култура

Истанбулското биенале годинава на три локации, ќе бидат изложени 38 дела

Шеснаесеттото по ред Истанбулско биенале годинава ќе се одржува од 14 септември до 10 ноември на три спектакуларни локации во турската метропола …Продолжи да читаш

спорт

Posted on во категоријата Спорт

„Романтичарите“ тргнаа: Минатата сезона во заборав, во новата кон Европа (ФОТОГАЛЕРИЈА)

Работнички со новиот шеф на стручен штаб Александар Влахо, подмладен, и со тројца нови играчи, денеска ги стартуваше подготовките за новата сезона. …Продолжи да читаш

ПЕЦЕ СТОЈЧЕВСКИ: И официјално Крстески останува на клупата, Коруновски е спортски директор на Пелистер!

во категоријата Спорт

До стартот на подготовките кој е закажан за 3 јули, раководството на Пелистер на чело со претседателот Пеце Стојчевски, ги врши сите пропратни работи. Во моментов се преговара со неколку имиња, додека имаше промени и во структурата на клубот. Сепак прво прашање е кој од Зоран Штерјовски и Дарко Крстески ќе биде човекот кој од клупата ќе го води битолскиот второлигаш во наредната сезона во Втората лига – Запад.

Пеце Стојчевски, специјално за СПОРТМЕДИА, истакна…

„Дарко Крстески и официјално ќе остане во Пелистер, тоа можам да го кажам. Додека место Менде Степановски на местото спортски директор на клубот е назначен Пеце Коруновски. Екс голманот всушност ќе има две функции, координатор на младинската школа и спортски директор на Пелистер. Целта е Пелистер да се сврти кон своите млади и талентирани момци, кон своите деца, посебно сега кога во следната сезона нашата младинска екипа ќе игра во Првата младинска лига на Македонија“.

Извор: https://sportmedia.mk/

Windows Terminal достапен преку Microsoft Store (ВИДЕО)

во категоријата Технологија

Microsoft кон средината на јули 2019 го најави Windows Terminal, нова апликација на командната линија, која во рамките  на еден помодерен интерфејс ги обединува PowerShell, CMD i WSL. Сега, еден месец подоцна Preview верзијата на Windows Terminal пристигна и во Microsoft Store.

Корисниците кои сакаа да го испробаат Windows Terminal можеа тоа да го направат и досега, но на малку потежок начин, со преземање и компајлирање на кодот од GitHub. Но, сега се е сведено на неколку кликови со глувчето. Windows Terminal се уште е во рана програмерска фаза, и достапна е само Preview верзија, а првата стабилна која ќе ја носи ознаката 1.0 е планирана за оваа зима.

Да потсетиме, Windows Terminal покрај горенаведените функции донесува и поддршка за табови, емотикони и теми. Последното му овозможува на секој корисник Windows Terminal да го прилагоди според сопствениот вкус, со уфрлање на позадинска слика или слично.

Во оваа фаза не се отклучени сите можности. За нивното активирање е потребно рачно да се измени JSON фајлот. За на корисниците да им го олесни активирањето на новите функции, Microsoft состави и кратки упатства, кои можете да ги прочитате ТУКА.

За да можете да го инсталирате Windows Terminal на својот компјутер, потребно е да имате Windows 10 и тоа не која било верзија, туку минимално build 18362.0 или понова. Од Microsoft порачуваат дека Windows Terminal ќе добива редовни надградби, кои ќе содржат не само исправка на багови, туку и нови можности.

 

ИЗВОР: https://usb.mk

УO на ФФМ даде „зелено светло“: Започнуваат активностите за изградба на трибина и реконструкција на стадионот Чаир

во категоријата Спорт

Управниот одбор на Фудбалската федерација на Македонија донесе одлука за започнување на активностите за реконструкција и изградба на трибина на стадионот „Чаир“ во Скопје откако претходно, ФФМ склучи договор за реконструкција на стадионите „Чаир“ во Скопје и „Билјанини извори“ во Охрид со соработка со општините, а преку програмата за развој на УЕФА.

-Ова се крупни проекти од исклучително значење, но и дополнителен импулс за локалната самоуправа, сѐ со цел да обезбедиме убава иднина за нашиот фудбал. Се обидуваме да помогнеме секаде и на секаков начин и искрено се надевам дека тоа ќе го направиме според договореното и согласно нашите и принципите на УЕФА, изјави претседателот на ФФМ, Мухамед Сејдини по официјализирањето на соработката со општините.

На седницата на Управниот одбор на ФФМ беше донесен календарот за натпреварувачката сезона 2020/2021.

Во рамки на промовирањето на ЕУРО 2020, а по препорака на УЕФА, Фудбалската федерација на Македонија ја поддржа промотивната кампања за Европското првенство 2020 преку “Pro evolution soccer 2020„ новата видео игра на Конами, каде ќе биде вклучена и најдобрата македонска репрезентација.

Извор: https://sportmedia.mk/

Весели предупредува: НДП може да ги напушта сите функции

во категоријата Македонија

“Не може да има пазарења со министерството бидејќи ова министерство секогаш им припаѓаше на албанците. Немам мандат да го дадам ова министерство на СДСМ.
Немам морално право да го жртвувам министер Сухејл Фазлиу, зад кој стои национална и верска елита. Не знам како СДСМ и ДУИ очекуваат да направам пазарење за ова министерство “, рече Весел Мемеди, претседател на НДП, повикувајќи ја СДСМ да ја повлече одлуката за разрешување на министерот Сухај Фазлиу и ДУИ од да не го поддржува овој предлог.

„Ние не сакаме да бидеме дел од овој договор, позициите не се важни за нас, но симболиката на она што ние застапуваме и браниме. За да го покажеме оваа висока вредност ќе поднесе неотповиклива оставка од сите дирекции и управни одбори, и повлекување од функцијата заменик-претседател на Собранието, како и предавање на мандатот на пратеникот во Собранието на Република Северна Македонија“, рече Весел Мемеди.

.

Извор: https://www.alsat-m.tv/mk/

Почна гласањето за нов Генерален секретар на Советот на Европа

во категоријата Свет

Парламентарците од 47 земји членки на Советот на Европа од изутринава гласаат за избор на нов Генерален секретар на најстарата паневропска организација, јавува дописникот на МИА.

Кандидатите се двајца шефови надипломатијата – на Белгија, Дидие Рејндерс и хрватската министерка за надворешни работи, Марија Пејчиновиќ Буриќ. Шансите за избор на двата кандидати се изедначени.

Рејндерс е либералн, додека Пејчиновиќ Буриќ припаѓа на Европската народна партија, што не е за потценување, бидејќи на Парламентарното собрание на Европската народна партија е најбројна и брои 159 членови, додека членовите на Либералите брои само 77 парламентарци.

Гласањето за избор на Генерален секретар на Советот на Европа се одвива во клима на криза и поделби меѓу членовите со враќањето на руската делегација во ПССЕ, но и со заминувањето на украинската делегација во знак на протест, чии членови нема да гласаат за изборот на новиот Генерален секретар.

Парламентарното собрание на Советот на Европа, кое се состои од 324 членови на националните парламенти од 47 земји-членки,се изјаснува сп тајното гласање за избор на нов генерален секретар, кој ќе имапетгодишен мандат. Резултатите од гласањето треба да бидат познати околу 21 часот.

Хрватската министерка со евентуалната победа би била втората жена во историјата на чело на оваа организација и првата од земјите кои доаѓаат од Централна, Источна  и Југоисточна Европа.

Во текот на изминатите десет години, генерален секретар на Советот беше Торбјорн Јагланд, поранешен премиер, министер за надворешни работи и претседател на норвешкиот парламент.
Советот на Европа е меѓународна организација со седиште во Стразбур, чија задача е да се грижи за владеењето на правото, демократијата и човековите права во Европа. Таа е основана во 1949 година и денес има 47 земји-членки, низ цела Европа, освен Белорусија и Косово.

Извор: https://tv21.tv/mk/

Доделени сертификатите на припадниците на Армијата за познавање на турскиот јазик

во категоријата Свет

СКОПЈЕ (АА) – Денеска во Министерството за одбрана на Република Северна Македонија, на 12 припадници на Армијата им беа доделени сертификати за успешно завршен основен курс по турски јазик во Турскиот културен центар – Институтот „Јунус Емре“, во Скопје, јавува Anadolu Agency (AA).

По тој повод во Министерството за одбрана присуствуваа амбасадорката на Република Турција во Скопје, Тулин Еркал Кара, заменик-началникот на Генералштабот на Армијата, генерал-мајор Азим Нуредин, директорот на Турскиот културен центар – Институтот „Јунус Емре“ во Скопје, Серхат Кула, кои им ги доделија сертификатите за успешно завршениот курс на турски јазик на припадниците на Армијата. 

Амбасадорката на Република Турција во Скопје, Тулин Еркал Кара, на церемонијата на доделувањето на сертификатите потсети дека почнувајќи од 2014 година, курсевите по турски јазик се реализираат од страна на Турскиот културен центар „Јунус Емре“ во Скопје. 

„Унапредувањето во чин генерал на припадници помеѓу овој персонал е уште една причина да се чувствуваме горди. Би сакала да го истакнам големото задоволство за покажаниот интерес кон нашиот убав турски јазик од страна на припадниците на Армијата. Убедена сум дека покрај заедничката историја и култура, преку курсевите за турски јазик, братството и пријателството помеѓу нашите земји уште повеќе ќе се зацврсти“, нагласи Тулин Еркал Кара, додавајќи дека е длабоко убедена дека припадниците на Армијата кои успешно го завршија курсот, како вистински пријатели на Турција ќе продолжат да даваат придонес во развивањето на меѓусебните односи. 

Директорот на Турскиот културен центар – Институтот „Јунус Емре“ во Скопје, Серхат Кула, истакна дека Културниот центар од 2010 година организира курсеви по турски јазик за персоналот на голем број државни институции, меѓу кои и на припадници на Армијата. 

„Во изминатите пет години курсот го посетувале 150 курсисти, кои го научиле турскиот јазик. Денеска, собрани сме тука по повод доделувањето на дипломи на 12 припадници на Армијата кои го посетуваа и успешно го завршија курсот по турски јазик во Турскиот културен центар – Институтот „Јунус Емре“ во Скопје, во учебната 2018/2019 година“, рече Серхат Кула, потсетувајќи дека активностите на Културниот центар за изучување на турскиот јазик ќе продолжат со ист интензитет. 

Истакнувајќи дека изучувањето на јазикот не е лесна работа, заменик-началникот на Генералштабот на Армијата, генерал-мајор Азим Нуредин, рече дека со вложување на труд од страна на професорите, навистина се постигнати посакуваните резултати за понатамошно продолжување на планираните активности на персоналот во Турција. 

„Ние го земаме предвид и тој период по завршувањето на курсевите во школите во Република Турција. Старешините што ни се враќаат, навистина ни се враќаат со квалитет по завршувањето на курсевите и нив ги имаме предвид за поставување на соодветни должности по завршувањето на курсот“, рече Азим Нуредин, потсетувајќи дека и тој самиот во 2012 година го има завршено школувањето во Република Турција и дека сега е заменик-началник на Генералштабот на Армијата.



.(AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: https://www.aa.com.tr/mk/

Бахчели: „Купувањето на S-400 е неопходен дел од нашата државност“

во категоријата Свет

АНКАРА (АА) – Лидерот на турската Партија за национално единство (MHP), Девлет Бахчели, истакна дека купувањето на рускиот одбранбен систем Ѕ-400 не претставува само прашање за националната безбедност, јавува Anadolu Agency (AA).

„Тоа е неопходен дел од нашата државност“, изјави Бахчели на состанокот на парламентарната група на неговата партија во главниот град Анкара.

„Без разлика дали тоа на Соединетите Американски Држави (САД) им се допаѓа или не, купувањето на Ѕ-400 е прашање на нашето постоење“, рече Бахчели, кој беше во алијанса со владејачката партија (АК Партијата) на последните избори, како и во турскиот Парламент.

Турскиот претседател Реџеп Таип Ердоган неодамна изјави дека испораката на рускиот систем за одбрана Ѕ-400 во Турција ќе започне во јули.

Тензиите меѓу САД и Турција се зголемија во текот на изминатите месеци поради турското купување на рускиот систем за одбрана Ѕ-400, за кој Вашингтон вели дека ќе ја загрози улогата на Турција во програмата за воени авиони F-35 и дека може да предизвика санкции.

По долготрајните безуспешни напори за купување систем за противвоздушна одбрана од САД, Анкара одлучи во 2017 година да го купи рускиот систем S-400.

Американски официјални претставници потоа ја повикаа Турција да ги купи американските проектили „Патриот“, тврдејќи дека рускиот систем ќе биде некомпатибилен со системите на НАТО и ќе ги изложи воените авиони F-35 на можни руски интриги.

Турција, сепак, нагласи дека S-400 нема да биде интегриран во системите на НАТО и дека нема да претставува закана за Сојузот.

Турција повика на формирање комисија за разјаснување на какво било техничко прашање, но САД не дадоа одговор на овој предлог.

– Грчки активности во Источниот Медитеран – 

Бахчели упати критики за изјавите на грчкиот премиер Алексис Ципрас во врска со Источниот Медитеран на неодамнешниот состанок во Брисел.

„Нашето трпение се намалува. Грција си игра со оган“, рече Бахчели.

По минатонеделниот состанок на ЕУ, Ципрас изјави: „Се надевам дека ЕУ ќе испрати јасна порака до Турција за да ги запре нелегалните активности во ексклузивната економска зона во грчкиот дел на Кипар.“

„Грчката Влада треба да знае дека не постојат пирати во Егејското Море и Медитеранот кои можат да нѐ блокираат. Ципрас треба да се откаже од заканите кон Турција и треба да се потсети на историјата“, изјави Бахчели.

Тој додаде дека турските бродови за сондажа ќе продолжат со своите истражувачки активности во Источниот Медитеран.

Турција котинуирани ја обвинува администрацијата на кипарските Грци за едностраните дупчења во Источниот Медитеран, нагласувајќи дека кипарските Турци, исто така, имаат права на ресурсите во подрачјето.

Турскиот брод за дупчење (сондажа) „Фатих“ започна со своите активности на 3 мај годинава во подрачјето на 75 километри (42 наутички милји) од западниот брег на Кипар, кому ќе му се придружи и бродот „Јавуз“.



. (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: https://www.aa.com.tr/mk/

Надал со критика до Вимблдон: Не се почитува АТП ранкингот!

во категоријата Спорт

За разлика од останатите големи турнири во сезоната како Австралија Опен, Ролан Гарос и УС Опен, Вимблдон е единствениот ваков турнир, кој својата листа на носители не ја дефинира според актуелниот АТП ранкинг, туку според резултатите постигнати само на турнирите на трева.

Ваквата пракса трае од 2002 година, а Рафаел Надал не е задоволен бидејќи на годинешната листа, објавена денеска, тој иако е втор на АТП-листата, е треторангиран на Вимблдон, зад бранителот на титулата Новак Ѓоковиќ, односно осум-кратниот освојувач Роџер Федерер.

„Вимблдон е единствениот турнир во сезоната, кој функционира на овој начин. Ако се водеа по тоа и останатите тогаш во ред, вака, мислам дека не е соодветно и точно. Подобро е да си втор, отколку трет, но мора да го прифатам тоа и да се борам“, изјави Надал во интервју за шпански медиум.

 

 

Извор: https://sportmedia.mk/

Samsung испорача милион Galaxy S10 5G телефони во Јужна Кореја

во категоријата Технологија

Samsung е дефинитивно доминантен на јужнокорејскиот пазар за 5G телефони. Најновите извештаи укажуваат на тоа дека овој гигант на домашниот пазар доставил еден милион Galaxy S10 5G телефони во текот на првите 80 дена од достапноста на уредот.

Доколку го поделите вкупниот број на продадени телефони со бројот на денови на достапност, ќе добиете дека секој ден се продавале околу 12.500 Galaxy S10 5G телефони. Да ве потсетиме, 5G верзијата се разликува од обичната верзија, пред се со уште подобра камера, поголеми димензии, како и присуство на батерија со поголем капацитет.

Втор на листата на 5G уреди е LG, односно неговиот V50 ThinQ 5G. LG успеал да продаде 280.000 од овие телефони од 10 мај, кога уредот станал достапен. Иако се работи за сосема респектабилна цифра, јасно е дека Samsung е далеку понапред по бројот на продадени копии. Интересно е дека овие податоци се однесуваат само на Јужна Кореја, што значи дека прифаќањето на 5G стандардот веќе земал значителен замав, за разлика од “некои” земји, каде што активно протестираат против оваа технологија и шират гласини налик на познатиот “Haarp”.

5G мрежата веќе е имплементирана во Јужна Кореја. Но, самиот телефон може да се нарача и надвор од неа. Конкретно, Galaxy S10 5G е достапен во Велика Британија кај ЕЕ и Vodafone операторите, но и во Соединетите Држави кај операторите Verizon и Sprint.

Извор: PC Press.rs

ИЗВОР: https://usb.mk

оди на почеток