Кандидатот за градоначалник на општина Чаир, Изет Меџити, денес оствари средба со претставници на 30 невладини организации, кои секојдневно работат на терен и се во директен контакт со граѓаните и нивните реални проблеми.
Меџити истакна дека токму овие организации се гласот на заедницата и најблиските партнери на локалната власт во процесот на развој и креирање политики.
„Тие се дел од најзначајниот демократски механизам – транспарентноста и отчетноста. Заедно со нив градиме политики што произлегуваат од секојдневниот живот на граѓаните, не од дистанца, туку од терен, таму каде што започнува секоја вистинска промена,“ рече Меџити.
Тој додаде дека овој вид соработка е гаранција дека секоја одлука, проект или инвестиција ќе има единствена цел – да му служи на граѓанинот.
