Русија ја доби она кое САД и Киев го нарекоа „ажурирана и префинета мировна рамка“ за завршување на војната во Украина, и ќе биде дискутирана следната недела, потврди денеска Кремљ.
Рускиот претседател Владимир Путин вчера изјави дека нацрт мировните договори што ги дискутираа САД и Украина во Женева би можеле да станат основа за идните договори за прекин на конфликтот, но дека Русија ќе продолжи да се бори ако тоа не биде случај.
„Овие детали ни се доставнеи, и ќе бидат разгледани во текот на следната недела“, изјави портпаролот на Кремљ, Димитриј Песков.
Се очекува Стив Виткоф, специјалниот претставник на американскиот претседател Доналд Трамп, да се сретне со Путин во Москва следната недела за да разговараат за идеи за мировно решение.
Извор: tv21
