Почна да се зголемува цената на тутунот, прва класа за 400 денари

December 10, 2024
1 min read

Откупната компанија „Пашоски“, една од 10-те кои го купуваат тутунот во земјава, ја зголеми цената на тутунот на 400 денари. Од Сојузот на тутунските здруженија очекуваат овој пример да го следат другите откупувачи.

Конретно, со анекс на договорот, доставен до Сојузот компанијата соопштува дека првата класа откупен тутун се зголемува од 375 на 400 денари, а тутунот годинава се откупува, главно во прва класа.

-Нашите настојувања, во соработка со министерството за земјоделство преку средби со откупувачите, почќнуваат да вродуваат плод. Така, првата компанија која ја зголеми цената на првата класа тутун на 400 денари, е компанијата „Пашоски“ која денеска нѐ информираше за зголемувањето на цената, со тоа што ќе им биде доплатено на тутунарите кои досега го предале тутунот, изјави Кире Ристески, претседател на Сојузот за тутунски здруженија.

Тутунарите, а со нив и Сојузот нема да се откажат од барањето за повисока цена.

-Очекуваме овој пример да го следат другите откупувачи за зголемување на цената. Тоа ќе биде мотив повеќе за производителите и за производство и за интензивирање на откупот, рече Ристески.

Инаку, досега се откупени преку 3 700 тони тутун по просечна цена од 374,71 денар.

ИЗВОР: kurir.mk

MARKETING

MARKETING

MARKETING

Претходно

Агелер: Тие кои ја поткопуваат правдата, треба да знаат дека корупцијата има последици

Следно

Мисајловски: Продолжуваме да инвестираме за потребите на Армијата, за заштита на нашите граѓани, за Македонија!

Latest from Blog

Митревски: Верувам дека ќе ја минеме групата

Македонскиот ракометен репрезентативец Никола Митревски, изрази задоволство од досегашниот тек на подготовките на нашата репрезентација пред настапот во СП во Хрватска. „Минуваме низ добар подготвителен период. Имаме уште три пријателски натпревари кои
Go toTop