Земјотрес со јачина од шест степени според Рихтеровата скала денеска го погоди подрачјето на канадската покраина Британска Колумбија, соопшти Американскиот геолошки институт.
Епицентарот на земјотресот бил на 238 километри југозападно од градот Порт Мекнил, на длабочина од 7,3 километри.
Станува збор за регион на крајниот југозападен дел на Канада, каде се наоѓа градот Ванкувер, најголем во покраината Британска Колумбија.
Засега нема информации за евентуални жртви или причинета материјална штета.
Земјотресите се вообичаени за брегот на Британска Колумбија, иако обично не со ваква јачина, бидејќи движењето на неколку различни тектонски плочи и зони на субдукција предизвикува илјадници потреси секоја година, пишува „Торонто стар“
Геолошкиот институт на САД соопшти дека овој земјотрес бил почувствуван и долж американскиот северозападен брег од државата Вашингтон до јужниот дел на Корона, Калифорнија, на оддалеченост од речиси 2 000 километри.
Извор: 360stepeni.mk
