КИЕВ (АА) – Претседателот на Украина, Владимир Зеленски, му ја честита победата на турскиот претседател Реџеп Таип Ердоган во вториот круг од претседателските избори во Туркије, пренесува Анадолу.
Зеленски на социјалните мрежи објави порака на турски за победата на Ердоган на претседателските избори.
„Му честитам на претседателот Реџеп Таип Ердоган за победата на претседателските избори“, напиша Зеленски.
„Се надеваме уште понатаму да го унапредиме нашето стратегиско партнерство во корист на нашите земји, како и уште понатаму да ја развиеме соработката за безбедноста и стабилноста на Европа“, истакна украинскиот претседател.
Извор: www.aa.com.tr
