Градоначалникот на општина Бутел, Дарко Костовски, заедно со неговата екипа денеска започна со реализација на ветувањата дадени пред жителите на Луботен, односно денеска целата машинерија на Бутел е однесена во Луботен со цел што поскоро завршување на градежните работи во оваа населба.
Костовски во текот на денот беше пречекан од жителите на Луботен, со кои разговараа и за други проекти кои им се потребни на жителите.
Според градоначалникот на Бутел, ова е втората фаза од работите врз патната инфраструктура во Луботен по асфалтирањето на четирите главни улици од оваа населба, кои се впрочем и главни артерии.
Ова е целосната објава на градоначалникот на Бутел, Дарко Костовски на неговата официјална Фејсбук страница:
ЗАПОЧНА ГРАДЕЖНАТА ОФАНЗИВА ВО ЉУБОТЕН
Започна целосната реконструкција на неколку улици во Љуботен.
Краците на улица 5 во населеното место Љуботен во долно маало за прв пат по машинското гребење и поставување на нов тампон ќе добијат асфалт.
Паралелно се проектираат и нови улици во Љуботен кој ќе бидат реконструирани.
Градежната експанзија се одвива со силна динамика.
По завршување на предвидените улици во Љуботен ќе продолжиме останатите населени места.
Еднаков и рамномерен развој на сите населени места.
#ОпштинаБутел
