МОСКВА (АА) – Руски патнички авион слета денес во Грузија што е првиот директен лет од Москва до Тбилиси по четиригодишна пауза, јавува Анадолу.
Авион на руската авиокомпанија „Азимут“ слета во Тбилиси, а во попладневните часови „Џорџиан ервејс“ ќе лета од Тбилиси за Москва.
Според договорот меѓу руските и грузиските регулаторни агенции, секој ден ќе се организира по еден лет од главните градови.
Руската компанија „Ред вингс“ објави дека побарала дозвола да лета за Грузија.
Грузиските власти одлучија да го обноват директниот воздушен сообраќај со Русија под услов само руски компании кои не се предмет на санкции од Западот да летаат за Грузија.
Како одговор на критиките од Вашингтон, грузискиот премиер Иракли Гарибашвили предложи Соединетите Американски Држави (САД) да го следат примерот на Русија, да воспостават безвизен режим за грузиските граѓани и да организираат директни летови за таа земја.
Извор: www.aa.com.tr
