МАДРИД (АА) – Истражувањето објавено во Шпанија покажа дека социјалната нееднаквост во земјата е зголемена последниве години и дека во моментов 4,3 милиони луѓе живеат под прагот на сиромаштија, јавува Анадолу.
Во истражувањето спроведено од Фондацијата „Каритас Фоеса“ за интеграцијата и социјалните потреби наведено е дека 9,4 милиони луѓе во Шпанија се на раб на сиромаштија низ целата земја, од кои 4,3 милиони се под прагот на сиромаштија.
Истражувањето покажа дека само 45 отсто од шпанската популација е целосно интегрирана, а стапката на оние што живеат на или под прагот на сиромаштија се зголемила за осум отсто во однос на 2018 година.
Според податоците, како еден од главните фактори на социјалната нееднаквост се издвојува станбениот проблем.
Истражувањето покажа дека секое четврто домаќинство во земјата во моментов се соочува со станбен проблем предизвикан од цените за најмување и продажба на куќи, кои значително пораснаа последниве години.
Констатирано е дека пазарот на недвижен имот принудило многу домаќинства да направат сериозни отстапки за задоволување на другите основни потреби, а 14 отсто од населението (6,8 милиони луѓе) останаа под прагот на сиромаштија кога трошоците за домување беа исклучени од вкупниот приход на семејствата.
Оваа стапка достигна 50 отсто во големите градови како Мадрид и Барселона.
Се наведува дека социјалната исклученост поради сиромаштија погодила 54,6 отсто од семејствата што живеат во градовите, а нејзино зголемување е регистрирано и во руралните средини.
Извор: Anadolu Agency (AA)
