ГАЗА (АА) – Најмалку 66 палестински новинари се убиени во израелските напади врз Појасот Газа од 7 октомври, пренесува Анадолу.
„Од загинатите новинари шест се жени“, се наведува во соопштението на Синдикатот на палестински новинари.
Се додава дека двајца новинари сé уште се водат како исчезнати, додека 31 се приведени од израелските сили.
Четиридневната хуманитарна пауза меѓу палестинската група на отпорот, Хамас, и Израел во Појасот Газа стапи на сила вчера.
Израел и Хамас разменија 24 Израелци и странци за 39 Палестинци од израелските затвори на првиот ден од хуманитарната пауза.
Според договорот, заложниците ќе бидат ослободени во групи во текот на четирите дена.
Израел започна масовна воена кампања против Појасот Газа по прекуграничниот напад на Хамас минатиот месец.
Оттогаш во израелските напади загинаа најмалку 14.854 Палестинци, од кои 6.150 деца и над 4.000 жени, според здравствените власти во енклавата.
Бројот на загинати во Израел, според официјалните податоци, изнесува 1.200.
