Покрената е истрага за авионската несреќа што се случи вечерва во регионот Твер. Според списокот на патници, меѓу нив е името и презимето на Евгениј Пригожин, информираат од руската управа за цивилна авијација
Евгениј Пригожин, шефот на руската платеничка група „Вагнер“, е наведен како патник во авионот кој се урнал северно од Москва, а во кој нема преживеани, пренесува Ројтерс повикувајќи се на објава на новинската агенција ТАСС.
„Покрената е истрага за авионската несреќа што се случи вечерва во регионот Твер. Според списокот на патници, меѓу нив е името и презимето на Евгениј Пригожин“,
информираат од руската управа за цивилна авијација.
Претходно ТАСС објави дека десет лица загинале откако приватен авион се урнал во руската област Твер, северно од Москва. Авионот, на пат од Москва до Санкт Петербург, превезувал седум патници и тројца членови на екипажот.
На социјалните мрежи веќе се шират видеа од уривањето на авионот.
Prigozhin plane crashes. Reports he’s been killed. The Wagner Group chief had launched a mutiny that threatened Putin earlier this summer. pic.twitter.com/0O1y36LNmJ
— Frida Ghitis (@FridaGhitis) August 23, 2023
10 people killed in a private plane crash in the Tver region, reports Russia’s Ministry of Emergency Situations, via Tass. The plane is reportedly linked to Wagner warlord and mutineer Yevgeny Prigozhin. Videos suggest it may have been shot down by Russian air defense. https://t.co/xw1E22wXUC
— Christopher Miller (@ChristopherJM) August 23, 2023
ИЗВОР: 360stepeni.mk
