(ВИДЕО) Ковачевски: Во Бугарија се подготвуваат избори, поединци сакаат преку националистичка реторика да добијат видливост

January 30, 2023
2 mins read

Зборувајќи за евроинтеграциите, тој рече дека очекува нов исчекор оваа година бидејќи верува дека може да се постигне потребното парламентарно мнозинство кое ќе ги осигури перспективите. Ние сме мултиетничка граѓанска држава, вели премиерот, и со внесувањето други заедници во Уставот ништо не губиме

Северна Македонија е посветена на добрососедските односи во духот на европските вредности, рече премиерот Димитар Ковачевски алудирајќи на односите со Бугарија, за кои рече „тука нема што да се тактизира“.

Ова е една од темите за кои тој зборуваше во говорот на отворањето на годишната конференција „Година на нови можности“ што денеска и утре се одржува во Скопје.

„Ние сме посветени на добрососедски односи, во духот на европските вредности. Северна Македонија им гарантира и им овозможува на сите народи и сите граѓани кои живеат на овој простор и кои ја сметаат земјава за дом, непречено да си ги остварат своите права. И тоа сме го покажале и докажале на дело многупати досега. Ние сме горди на нашето мултикултурно општество, горди сме што сме Европа во мало. Така било, така е, така и ќе биде. Друго прашање е тоа што таму се подготвуваат за нови парламентарни избори и што како и секаде, и таму постојат поединци кои преку националистичка и популистичка реторика се обидуваат да добијат видливост и гласност“,

рече Ковачевски.

Има, додаде тој, веројатно и обиди да се наштети, не само на билатералните односи, туку и на единството во Европа.

Меѓутоа, тој е уверен дека никој нема да успее да ја загрози европската агенда и верува оти годинава ќе се обезбеди двотретинско мнозинство за уставни измени, а со тоа и исчекор во евроинтеграциите.

„Затоа, сите ќе си ја гледаме својата работа. Наша работа е да ги штитиме националниот идентитет, стабилноста и безбедноста на државата и да го овозможиме напредокот. Ние тоа го правиме. И како што сме свети чувари на минатото, исто така нема да дозволиме никој да ни ја загрози европската агенда и нашата, заслужена, европска иднина. Во оваа 2023 година очекувам нов исчекор во европските интеграции. Верувам дека може да се постигне европско парламентарно мнозинство кое ќе ги осигури европските перспективи. Оваа оценка ја темелам на фактот дека големото мнозинство граѓани во државата, на последните парламентарни избори, дадоа доверба на проевропски политички субјекти, коишто составија проевропска Влада“,

рече Ковачевски.

Со додавањето на Бугарите и на други етнички заедници во Уставот, според него, нема ништо да изгубиме бидејќи, како што вели, ние сме мултиетничка граѓанска држава која е пример во регионот и во Европа.

На провокации, пак, порача Ковачевски, нема да подлегнува и да го спушта нивото бидејќи нечие однесување говори за личноста која тоа го применува.

„Ја разбирам претпазливоста и сомнежите. И јас имам семејство кое живее тука и си ја сакам родната земја. Но, не можам и нема да прифатам некој политички да профитира на сметка на перспективите на граѓаните и на државата. Реков, најголем дел во оваа година бев меѓу вас, граѓаните – и ги слушам вашите потреби. Тоа не се постојани предвремени избори, не се политички надмудрувања, не се блокади во парламентот, тоа не е живот во грч и кризи, во песимизам и очајување! Не, никако“,

рече премиерот.

ИЗВОР: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Кој за што, Полјаци за растурање на Руската федерација

Следно

Кривична пријава за скопјанка која со туѓа лична карта аплицирала за брз кредит

Latest from Blog

Божиновска: Македонија е дел од трансатлантскиот дијалог за енергетска безбедност

Министерката за енергетика, рударство и минерални суровини, Сања Божиновска, на 18 и 19 ноември ќе учествува на Седмиот состанок на Партнерството за трансатлантска енергетска соработка (P-TEC) во Варшава, Полска, организиран во соработка

Коњановски: Гласот на младите треба да се преточи во конкретни локални решенија

Триесет средношколци од Битола развија проектни предлози за решавање проблеми во својата заедница, во рамките на проектот ЛАПСИ – Локални активни платформи за социјални иновации. На денешната работилница тие ги финализираа идеите

Општина Прилеп: Втор повик за поддршка на семејствата со првачиња во учебната 2026/2027 година

Општина Прилеп објави втор јавен повик за доделување еднократна парична помош на семејствата со деца запишани во прво одделение во учебната 2026/2027 година. Повикот е наменет за родителите кои не аплицирале во

Општина Битола: Продолжува креирањето на буџетот за 2027 година заедно со граѓаните

Општина Битола го најави одржувањето на третиот буџетски форум, на кој граѓаните ќе имаат можност да учествуваат со свои идеи, предлози и иницијативи во процесот на креирање на општинскиот буџет за 2027

Божиновска: На 25 ноември во Скопје го отвораме Првиот форум за енергетска дипломатија

На 25 ноември, во хотелот „Александар Палас“ во Скопје, ќе се одржи Првиот форум за енергетска дипломатија „Обновливи извори и жените во енергетиката“, најави министерката за енергетика, рударство и минерални суровини, Сања
Go toTop