На видеото што се појави на интернет се гледаат турски спасувачи кои се обидуваат да извлечат луѓе од под урнатините, но во еден момент над нив се урна дел од веќе разурнат објект. Затрупан останал само еден член од спасувачката екипа, кој за кратко време бил спасен од своите колеги. Како што известуваат турските медиуми, спасувачот Батухан Туген е во добра здравствена состојба и веднаш продолжил со спасувачките напори.
Спасувачките тимови во Турција и Сирија сè уште трагаат по преживеани од катастрофалниот земјотрес во понеделникот. Бројот на загинати се смета дека надмина 25 000, од кои 21 848 луѓе загинале во Турција, а 3 553 во Сирија.
Извор: 360stepeni.mk
