ВИДЕО: Барселона со три хеликоптери пристигна на осминафиналниот натпревар во Купот на Шпанија

January 20, 2023
1 min read

Откако во неделата во Ријад го победија Реал Мадрид со 3-1 и го освоија првиот трофеј сезонава, фудбалерите на Барселона немаа многу време за одмор по враќањето во Каталонија, бидејќи ги чекаше уште едно гостување, овој пат на северот на Африка во рамки на осминафиналето на Купот на Шпанија.

Противник на Барселона беше третолигашот Сеута од истоимениот град на северот на Африка. Сеута е „автономен шпански град“, со површина од 18.5 километри и нешто повеќе од 85.000 жители, кој политички ѝ припаѓа на Шпанија, а географски е на територијата на Мароко.

Барселона на пат тргна ден пред натпреварот. Бидејќи Сеута нема аеродром кој може да прими големи авиони, каталонскиот клуб прво со авион пристигна во Малага, а потоа преку Гибралтарскиот теснец прелета со хеликоптери. Делегацијата на Барселона беше распоредена во три хеликоптери од марката „Аугуста Вестланд 139“ од кои секој чини 12 милиони евра и има капацитет за 15 патници.

Доаѓањето на шпанскиот фудбалски гигант беше голем празник за жителите на Сеута, а на хелиодромот фудбалерите на Барселона беа пречекани од стотици навивачи и покрај силното обезбедување.

Натпреварот на резултатски план не донесе изненадување и Барселона со убедливи 5-0 обезбеди пласман во четвртфиналето, со головите на Рафиња (41 минута), Роберт Левандовски (50, 90), Ансу Фати (71) и Франк Кеси (77).

Пласман во четвртфиналето обезбеди и Реал Мадрид, триумфирајќи на гостински терен над Виљареал со 3-2.

ИЗВОР: kurir.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Видео: Акција за чистење и уредување на зеленилото во Сарај

Следно

Кога ќе вее снег во Скопје?

Latest from Blog

Што се случува со Каби Ламе? Лажни приказни за неговата смрт циркулираат на интернет

Првата приказна што циркулира на интернет е дека тој починал во сообраќајна несреќа, а втората дека бил приведен од страна на американската Служба за имиграција и царина (ICE). Гласините збунија милиони обожаватели

Георгиев: Ќе обезбедиме коридор низ Бугарија за авионот на Путин до Будимпешта

Шефот на бугарската дипломатија , Георг Георгиев, изјави дека Бугарија е подготвена, доколку е потребно, да обезбеди воздушен коридор за авионот на рускиот претседател Владимир Путин на пат кон Будимпешта, за средба

Брентфорд славеше на гости кај “Чеканите“!

ФОТО: Brentford FC/FB Можеби резултатот од 0:2 не покажува колку Брентфорд беше подобар од Вест Хем вечерва во меч од 8.коло во Премиер-лигата,ама според играта и настаните на теренот, гостите требаше да
Go toTop