Вечерва во 360°: Надзор над „Бехтел и Енка“ – како двајцата вработени од годишната сметка, станаа 32 „перманентно вработени“ во договорот со ЈПДП

Новото магазинско издание на емисијата „360 степени“ се емитува вечерва (27 март 2023 г.) од 22:20 часот на ТВ Алсат

Во ова издание:

– Дали конзорциумот предводен од „ИРД инженеринг“ со лажни податоци победил на тендерот за надзор на автопатите на „Бехтел и Енка“: За „Електра солушнс“ навеле дека има 32 „перманентно вработени“, а таа лани, според годишната сметка, во просек имала двајца вработени;

– Десетици експерти од конзорциумот на „ИРД инженеринг“ се веќе ангажирани на тековни надзори и за нив е потпишана гаранција дека ќе бидат на целосно располагање на тие проекти, ослободени од сите други обврски; Како тогаш ќе бидат надзор и над „Бехтел и Енка“;

– Има ли МВР капацитет да ги замени сите документи до февруари в година согласно Преспанскиот договор: Од Министерството велат дека ќе работат и во втора и трета смена, а ако треба и за викенди и празници;

– Кога Македонија е Запад за некого: Сторија за стотината студенти од Пакистан и Таџикистан на Универзитетот на Југоисточна Европа во Тетово;

– „Саботажа“.

Емисијата се емитува од 22:20 часот на ТВ Алсат.