ИСТАНБУЛ (АА) – Украина планира да се приклучи на ЕУ во наредните две години, изјави украинскиот премиер Денис Шмихал, пренесува Агенција Анадолија (АА).
„Имаме многу амбициозен план за влез во ЕУ во наредните две години“, рече Шмихал во статијата објавена на веб-страницата „Politico.eu“.
Шмихал нагласи дека Украина очекува претпристапната фаза на преговори да започне во 2023 година.
Киев официјално аплицираше за членство во ЕУ на 28 февруари 2022 година, четири дена по почетокот на војната со Русија што Москва ја нарекува „специјална воена операција“.
Европската комисија го објави своето мислење за апликацијата за членство на Украина во ЕУ на 17 јуни минатата година, по што Европскиот совет му додели на Киев кандидатски статус.
Во декември минатата година, украинскиот Парламент усвои неколку нацрт-закони препорачани од Европската комисија за да го продолжи процесот на пристапување на земјата во ЕУ.
Извор: www.aa.com.tr
