КИЕВ (АА) – Руската војска изврши воздушен напад врз Киев, главниот град на Украина, а украинските сили уништија повеќе од 40 проектили во воздух, јавува Анадолу.
Воената управа на градот Киев соопшти дека руската војска извршила воздушен напад врз главниот град на Украина.
Соопштено е дека руските сили во раните утрински часови лансирале ракети и беспилотни летала кон Киев, а само во мај биле извршени 15 воздушни напади врз главниот град.
Наведено е дека противвоздушните системи откриле повеќе од 40 цели и ги уништиле во воздух.
Градоначалникот на Киев, Виталиј Кличко, на својот профил на социјалните мрежи објави дека некои фрагменти од проектилите уништени во воздух, погодиле цивилна инфраструктура во различни области и предизвикале штета.
Извор: www.aa.com.tr
