Според украинските власти, руски воени авиони го бомбардирале североисточниот регион Суми во текот на изминатата ноќ
Украина подготвува контраофанзива бидејќи оценува дека рускиот напад на Бахмут, каде што се водеа главните битки изминатиот период, сега слабее.
Најавата за контранападот дојде од командантот на украинските копнени сили Олександр Сирски, според кого членовите на руската паравоена група „Вагнер“, кои биле на фронтот заедно со руските сили во Украина, „им недостасува сила“.
„Ќе ја искористиме оваа можност многу брзо, како што направивме претходно во близина на Киев, Харков и Купјанск“,
посочи Сирски.
Додека стигнуваат ваквите најави, руските воени авиони го бомбардирале североисточниот регион Суми во текот на изминатата ноќ.
Според украинските власти, биле истрелани повеќе од 10 бомби врз цели во овој регион.
Суми досега често беше жртва на прекугранични артилериски напади, но регионот досега не беше цел на воздушно бомбардирање кое е концентрирано на тоа ниво како што било во текот на ноќта.
Извор: 360stepeni.mk
