Руското Министерство за одбрана соопшти дека од украинскиот притвор биле ослободени 106 руски војници, а началникот на кабинетот на украинскиот претседател, Андриј Јермак изјави дека Русија ослободила 100 украински затвореници. Во ниту едно од соопштенијата не е наведено дали во договорот биле вклучени посредници
Украина и Русија разменија над 200 воени затвореници, објавија официјални лица од двете земји. Киев и Москва пријавија размена на затвореници, наведувајќи дека се ослободени 106 Руси и 100 Украинци.
Руското Министерство за одбрана соопшти дека од украинскиот притвор биле ослободени 106 руски војници, а началникот на кабинетот на украинскиот претседател, Андриј Јермак изјави дека Русија ослободила 100 украински затвореници. Во ниту едно од соопштенијата не е наведено дали во договорот биле вклучени посредници.
Украинскиот Координативен штаб за третман на воени затвореници тврди дека речиси половина од вкупниот број на ослободените украински војници (80 мажи и 20 жени), имаат сериозни повреди, болести или биле измачувани, но не беа презенитрани докази за ваквите тврдења.
Руското Министерство за одбрана соопшти дека ослободените Руси со воени транспортни авиони биле пренесени во Москва на медицински третман и рехабилитација.
Размените на затвореници се една од ретките области на соработка меѓу Украина и Русија.
Извор: 360stepeni.mk
