Веб-страницата „Вебометрикс“, која прави рангирање на универзитетите во светот, ја објави годинашната ранг-листа на најдобри универзитети. Универзитетите се рангирани според нивното влијание, отвореност и исклучителност.
На првите три места се наоѓаат универзитети од САД. Прв е „Харвард“, а по него следуваат „Стенфорд“ и Технолошкиот институт во Масачусетс.
Од универзитетите во Македонија, на највисоко место се наоѓа Универзитетот „Свети Кирил и Методиј“ во Скопје, а се наоѓа на 1.526. место. Тоа е раст во споредба со минатата година, кога бил на 1.594. место во светот.
Вториот најдоброрангиран македонски универзитет – „Гоце Делчев“ во Штип се најде на 3.632. место. Универзитетот на Југоисточна Европа се најде на 4.369. место на ранг-листата. На 4.631. место се најде Државниот универзитет во Тетово, а на 5.047. место е Универзитетот „Свети Климент Охридски“ во Битола.
Американскиот универзитет на Европа – ФОН е најлошо рангиран универзитет во Македонија и се наоѓа дури на 26.051. место.
ИЗВОР: kurir.mk
