УЕФА се закани со санкции во случај на забрана за гостински навивачи

1 min read

Европската фудбалска федерација (УЕФА) ќе ги санкционира клубовите и нивните градови кои ќе одбијат да примат гостински навивачи.

Ова предупредување од претседателот на УЕФА, Александар Чеферин, доаѓа откако вечерашниот реванш-натпревар од осминафиналето во Лигата на шампиони во Неапол меѓу Наполи и Ајнтрахт Франкфурт ќе се игра без германски навивачи поради забраната што ја воведоа локалните власти стравувајќи од можни инциденти.

Во изјава за германските медиуми Чеферин рече дека оваа забрана е „лоша одлука“ и истакна оти би можело да се воведе правило клубовите да не играат во своите градови ако властите забранат доаѓање на гостински навивачи.

Локалните власти во Неапол му забранија на Наполи да продава влезници за вечерашниот натпревар на лица со престојувалиште во Германија поради страв од нарушување на јавниот ред и мир. Откако судот, на барање на Ајнтрахт, ја поништи оваа одлука, беше изречена нова забрана која овој пат се однесува само за лица со живеалиште во Франкфурт.

Чеферин оцени дека е неприфатливо „италијанските власти едноставно да одлучат за забрана за навивачи“ и додаде дека УЕФА ја поддржува жалбата на Ајнтрахт.

Наполи има предност од 2-0 од првиот натпревар одигран во Франкфурт.

ИЗВОР: kurir.mk

Претходно

Актерката Стојановска ослободена од вина за шверц со дрога: Знаев дека немам ништо со кокаин и криминал

Следно

Последно за плинските решоа: Ок се

Latest from Blog

КОЛКУ ПАРИ ТОЛКУ МУЗИКА, НО НЕ ЗА МАЛОЛЕТНИЦИ: Поранешната кошаркарка се соблака на „Онлифанс“ за да го прехрани синот, порано продавала облека, но не било доволно!

Милица Дабовиќ некогаш беше позната како успешна кошаркарка на српската репрезентација, но денес нејзиниот живот доби

УЕФА ја казни Барселона

Европската фудбалска централа (УЕФА) ја казни Барселона поради расистичките испади на нејзините навивачи во Париз за