Фудбалерот на мексикански Унам и бразилски репрезентативец, Дани Алвеш, уапсен е во Барселона поради пријава за сексуален напад на девојка, објавија светските медиуми.
39-годишниот играч е обвинет од страна на девојка дека на 30 декември во ноќен клуб играчот ѝ ја ставил раката во гаќичките без нејзина дозвола.
Видно вознемирена, таа го повикала обезбедувањето, а потоа заминала во полиција за да го пријави случајот.
Алвеш тогаш ги негираше обвинувањата и тврдеше дека не ја познава жената која ја поднела тужбата.
Адвокатите на Дани Алвеш велат дека фудбалерот бил кратко време во тој клуб таа вечер и дека нема никаква поврзаност со инцидентот.
ИЗВОР: kurir.mk
