БЛАНТУРЕ (AA) – Циклонот Фреди, кој го погоди југоисточниот брег на Африка, одзеде 1.000 животи во Малави, пренесува Анадолу.
Претседателот на Малави, Лазарус Чаквера, во изјавата за медиумите даде информации за причинетата штета и загинатите во циклонот.
Чаквера нагласи дека бројот на загинати во циклонот се зголеми на 1.000, додека над половина милион лица биле принудени да ги напуштат своите домови.
„Како резултат на климатските промени урнати се куќи, мостови, училишта и деловни простории, а оштетени се патишта, енергетската мрежа и земјоделско земјиште“, рече Чаквера.
Циклонот ги погоди и Мозамбик и Мадагаскар. Во Мозамбик како резултат на циклонот загинаа околу 70 лица.
Светската метеоролошка организација соопшти дека циклонот Фреди, кој се појави во февруари и траеше околу еден месец, можно е да биде најдолготрајниот циклон во историјата.
Извор: www.aa.com.tr
