Три лица заглавени кај Никифорово, роднините бараат помош

Тројца мажи се заглавени во снегот близу село Никифорово, а сопругата на еден од нив бара помош за нивно извлекување.

Во изјава за Телма, таа рече дека мажите се заглавиле во месноста Црн Камен, на излезот од Никифорово, веќе два часа.

„Тргнале да се вратат во Скопје откако патот бил исчистен со машина, но веднаш по излезот од селото се заглавиле. Автомобилот има синџири, но сепак не можат да се ослободат. Тие стојат во автомобилот, телефоните им се при крај, и се обидуваат да ја буткаат колата, но без успех. Се надеваат на помош. Јас веќе ги известив ЦУК и Македонија Пат, но се уште се заглавени,“ рече сопругата во телефонскиот разговор.