Министерот за внатрешни работи, Панче Тошковски, во гостување на Сител потврди дека се фатени сторителите кои го нарушиле јавниот ред и ги сквернавеле државните симболи на 28 ноември.
Сепак, истрагата за можни организирани групи кои ги поттикнале овие дејствија продолжува.
Тошковски откри дека безбедносните служби располагаат со информации за вклученост на високи структури на ДУИ во овие настани, но нагласи дека МВР ќе постапи со факти и докази, без политички прогони.
„Не би сакал сега да излегувам со информации во јавноста, но факт е да дека има одредени оперативни информации дека поранешен градоначалник на ДУИ директно бил вклучен заедно со друга група во делот на организирање на овие настани, но за разлика од претходно кога имавме политички прогони еден тон, сега МВР постапува по насока на ЈО со факти и докази, не одиме слепо како претходно. Така ќе биде и во овој случај. Доколку обезбедиме докази ќе постапиме“, вели Тошковски.
ИЗВОР: ТВ 21
