Вака изгледа секојдневието на 19 годишната Џенета.
За да се движи потребна и е помош, бидејќи од раѓање страда од епилепсија и сколиоза, што претставува искривување на рбетот.
Најголемиот товар го носи мајка ѝ, Аида. Таа ја облекува, храни и ѝ помага да оди.
Нејзината грижа е толку голема што воопшто не можеше ни да ни опише со зборови.
„Тешко е, кој сака нека каже…“, рече Аида Рамуш.
Оваа мајка на пет деца од Шуто Оризаре, Скопје, вели дека лекарите во Македонија воопшто не и дале надеж за успешна операција.
ТВ21: Во Македонија што ви имаат кажано?
Рамуш: Или ќе остане во кома или нема да излезе жива од сала!
ТВ21: Ова ви го има кажано анестезиологот?
Рамуш: Да!
Оваа мајка се бори цели 19 години, нејзиниот сон е да ја види Џенета да застане на нозе, без ничија помош.
Подобрување на состојбата е можно само во Турција, но сумата е голема за условите на семејството, 27 илјади евра.
Операцијата треба итно да се направи, бидејќи како што велат лекарите, а и мајката на Џената, постои опасност од болеста да дојде до оштетување на внатрешните органи.
Рамуш: Од луѓето барам помош да ми помогнаат за Џенета бидејќи има потреба од операција во Турција.
ТВ21: Колку чини операцијата?
Рамуш: Потребни се 27 илјади евра. Доколку не се оперира, состојбата ќе и се влоши.
Се поздравивме со семејството Рамуш со надеж во добронамерните луѓе, со нивна помош да и се олесни животот на Џената и да и ја вратиме насмевката на нејзината мајка.
ГРАФИКА
СТОПАНСКА БАНКА
200002612500119
СЕЛАЈДИН РАМУШ
SWIFT: STOBMK2X
IBAN MK07200004236094946
ТЕЛЕФОН ЗА КОНТАКТ 078 391 772
ИЗВОР: ТВ 21
