Таткото на Вања, Александар Ѓорчевски и негов пријател по име Гоце, цело време барале средби со полицијата, за да дознаат што имаат како информации за Вања Ѓорчевска.
Ова го изјави сведокот Музафер Каришиќ, Помошник началник во СВР Скопје за криминалистички работи на денешното рочиште.
„Таткото повеќе се интересираше што ние имаме, отколку да помогне во истрагата. Од страна на Гоце ми беа испратени многу пораки и снимки. Една би издвоил. Гоце ми испрати слика и снимка од возило на бензиска пупма во Велес, ние тогаш не знаевме за какво возило се работи. Тогаш не нѝ беше јасно бидејќи не беа поврзани случаите“, рече Каришиќ.
ИЗВОР: ТВ 21
