СЗО евакуираше 11 деца болни од рак од Газа во Јордан

December 4, 2024
1 min read

ИСТАНБУЛ (АА) – Светската здравствена организација (СЗО) евакуираше 11 деца болни од рак од Газа во Јордан, за да го добијат соодветниот медицински третман што им е потребен, јавува Анадолу.

„Придружувани од 20 придружници, овие пациенти се меѓу илјадниците во регионот на кои итно им е потребна медицинска нега надвор од енклавата разурната од војната“, рече генералниот директор на СЗО, Тедрос Аданом Гебрејесус, на социјалната мрежа Х доцна синоќа.

Тедрос ја нагласи критичната потреба од медицински евакуации, апелирајќи да се искористат сите расположливи коридори за да се обезбеди безбеден трансфер на пациенти на кои им е потребна медицинска помош.

„Илјадници пациенти низ Газа сè уште имаат потреба од евакуација за медицинска помош која спасува живот“, рече тој, додавајќи дека „мирот е најдобриот лек“.

Хуманитарната криза во Газа сериозно ги попречи здравствените услуги, оставајќи многу пациенти да немаат пристап до итната медицинска нега што им е потребна.

Израел започна геноцидна војна во Појасот Газа по прекуграничниот напад на палестинската група Хамас во октомври минатата година, убивајќи повеќе од 44.500 лица, повеќето од нив жени и деца, и повредувајќи речиси 106.000 лица.

Во втората година од геноцидот во Газа, Израел се соочува со зголемена меѓународна осуда, а официјални лица и институции ги означуваат нападите и блокирањето на испораката на помош како намерен обид за уништување на населението.

На 21 ноември, Меѓународниот кривичен суд (МКС) издаде налози за приведување на израелскиот премиер Бенјамин Нетанјаху и поранешниот министер за одбрана Јоав Галант за воени злосторства и злосторства против човештвото во Газа.

Израел е обвинет за геноцид пред Меѓународниот суд на правдата поради војната во Газа.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

MARKETING

MARKETING

Претходно

Мицкоски: Оставката на Дамева не треба да биде исклучок – секој што нема да ја оправда довербата кај граѓаните треба да замине

Следно

Винисиус сака да ја продолжи кариерата во Саудиска Арабија

Latest from Blog

Албанската полиција спасила македонски параглајдерист носен од невремето

Пограничната полиција од Корча му помогна на македонски параглајдерист кого го зафатило вчерашното големо невреме и го однело на албанска територија. Полицијата веднаш по дојавата реагирала брзо и професионално, го локализирала и

ОБАЧЕ, ИЗОБЩО НЕ: Бугарските работодавци ја отфрлаат четиридневната работна недела

Дискусиите за пократка работна недела, кои веќе се тестираат во некои делови од Европа, наидуваат на силен отпор во Бугарија, а на идејата за скратување на работната недела на четири дена силно
Go toTop