Столтенберг за почетокот на руската инвазија на Украина: Тоа не беше изненадување, знаевме дека војната ќе започне

February 16, 2023
1 min read

НАТО мора да се подготви за долга конфронтација со Русија, бидејќи рускиот претседател Владимир Путин не покажува желба за мир една година по инвазијата на Украина, вели Столтенберг

Генералниот секретар на НАТО, Јенс Столтенберг, тврди дека ноќта пред почетокот на руската инвазија на Украина отишол да спие, знаејќи добро дека војната ќе започне за неколку часа.

„Отидов во кревет. Но, тоа беше многу кратка ноќ бидејќи знаев дека во некоја фаза, во рок од неколку часа, некој ќе ме разбуди – и токму тоа се случи. Околу четири часот ми се јави началникот на кабинетот и само накратко ми кажа дека почнале, што значи дека инвазијата започнала. Тоа не беше изненадување, бидејќи знаевме“,

рече шефот на НАТО во интервју за АФП.

Додека многумина ширум светот се надеваа до крај дека Москва нема да ризикува напад од целосен обем, генералниот секретар на НАТО немал сомнеж дека Путин е подготвен да тргне во напад.

„Можно е да се шокирате од бруталноста на војната. Но, нема начин да се изненадите бидејќи ова е навистина нешто што беше предвидено неколку месеци пред инвазијата“,

истакна тој.

Речиси една година по почетокот на војната која чинеше десетици илјади животи и ја поткопа безбедноста на Европа, Столтенберг предупредува дека НАТО мора да биде подготвен за нова ера на конфликт со Русија која може да трае долго.

НАТО мора да се подготви за долга конфронтација со Русија, бидејќи рускиот претседател Владимир Путин не покажува желба за мир една година по инвазијата на Украина.

„Мораме да бидеме подготвени на долг рок, тоа би можело да потрае многу, многу години“,

изјави Столтенберг.

Тој додаде дека Путин „сака поинаква Европа, Европа во која ќе може да ги контролира своите соседи, каде што ќе може да одлучи што можат да направат земјите“. Столтенберг рече дека 30-те земји членки на НАТО се порешителни Украина на крајот да победи.

„Тука сме за да обезбедиме Украина да победи во оваа војна и да и обезбедиме оружје, муниција и поддршка што и се потребни. Ако претседателот Путин победи во Украина, тоа ќе биде трагедија за Украинците. Но, тоа ќе биде и опасно за сите нас, бидејќи тој и другите авторитарни лидери ќе бидат убедени дека можат да ги постигнат своите цели кога ќе употребат воена сила“,

рече Јенс Столтенберг. 

Извор: 360stepeni.mk

VERO JUMBO MACEDONIA

EVN MACEDONIA

MARKETING

Претходно

Во Собранието продолжува дебата за владината реконструкција

Следно

ЌЕ ВИ СЕ РАСПАРА СРЦЕТО НА ДВА ДЕЛА – додека спасувачот ја снима во живо, Азра му умира на рацете (ВИДЕО)

Latest from Blog

Жените полудуваат по овој рецепт: Јадете го ова наутро и килограмите ќе исчезнат сами од себе

Еве еден петминутен рецепт за појадок кој го забрзува вашиот метаболизам, ве прави сити и ви помага да ги изгубите мастите побрзо отколку на строги диети. Колку пати сте држеле диета, сте

Мицкоски: Очигледна е соработката на ДУИ и Левица во Тетово, Гостивар и Струга, целта им е раслојување на анти ДУИ гласовите во овие општини

Очигледна е соработката на ДУИ и Левица во Тетово, Гостивар и Струга, целта им е раслојување на анти ДУИ гласовите, бидејќи Западна Македонија не се само овие општини, истакна денеска премиерот на

Меџити: Иднината на Чаир започнува од населеното место Гази Баба, нашите проекти не се само зборови, туку конкретна работа на терен

„Сме на улица 157 и можеме да констатираме дека атмосферската мрежа веќе е завршена и се поврзува со главната цевка на булеварот, и овој проблем е надминат за оваа улица.“ Ова го

(ВИДЕО) Ѓорѓиевски за Радио Лидер: Пожарите се користат за политичка манипулација

Актуелниот градоначалник на Кисела Вода и кандидат за градоначалник на Град Скопје, Орце Ѓорѓиевски од ВМРО-ДПМНЕ утрово беше гостин во „Утринско еспресо“ на Радио Лидер. Меѓу останатото, Ѓорѓиевски зборуваше за актуелните случувања

ВЛЕН: Со затворањето на отпадот на ДУИ се става крај на долгогодишниот срам и неодговорност

Коалицијата ВЛЕН утрово соопшти дека е затворена дивата депонија во Никуштак, срам наследен од владеењето на ДУИ, која со години го труела воздухот и здравјето на жителите на Липково и Арачиново. Оваа
Go toTop