Тренерот на Наполи, Лучијано Спалети, верува дека поразот од Милан со 4:0 се должи на замор.
– Можеме да бидеме погодени од замор, многу играчи се грижат многу за своите репрезентации и даваат се од себе. Исто така, многу зависи од самите натпревари, од летовите. Играчите се враќаат малку уморни. Но, Милан ја има истата ситуација. Делумно е заморот, делумно е тоа како одлично играше Милан. Не настапивме на вообичаеното ниво, цитиран е Спалети од веб-страницата на новинарот Џанлука ди Марцио.
Вчеравечер Милан на гостински терен го совлада Наполи со 4:0 во натпреварот од 28. коло на Серија А.
Наполи води во поредокот со 71 бод. Милан го престигна Интер и се искачи на третото место со 51 бод.
ИЗВОР: kurir.mk
