Сирискиот режим се повлече од подрачјето источно од реката Еуфрат

December 7, 2024
1 min read

АНКАРА (АА) – Силите на режимот на сирискиот претседател Башар ал Асад се повлекоа од центарот на покраината Ал Хасека и округот Камишли во североисточниот дел на земјата, источно од реката Еуфрат, оставајќи ги под окупација на терористичката организација ПКК/ЈПГ, соопштија денес локални извори, јавува Анадолу.

Армијата на сирискиот режим вчера повлече дел од своите сили стационирани во покраината Деир ез-Зор на истокот на земјата, која граничи со Ирак, и го предаде центарот на покраината на терористите на ПКК/ЈПГ.

Овој потег следи по една недела драматични случувања во земјата, во која силите кои се борат против Асад постигнуваат голем напредок на сметка на режимските сили.

– Терористичката ПКК/ЈПГ се обидува да го искористи безбедносниот вакуум –

Во услови на неуспех на режимот на Асад, терористичката ПКК/ЈПГ се обидува да ја искористи безбедносната ситуација.

Во својата 40-годишна терористичка кампања против Туркије, ПКК, која е ставена на листата на терористички организации од страна на Туркије, САД и ЕУ, е одговорна за смртта на над 40.000 луѓе, меѓу кои и деца, жени и постари лица.

ЈПГ е огранок на ПКК во Сирија, место на тековни борби и регион каде што терористичката организација со години се обидува да воспостави терористички коридор долж турската граница.

Во последните години Туркије распореди војници и работеше со локални сојузници како што е опозициската Сириска национална армија за да го спречи ова и да го заштити локалното население од угнетувањето на терористите.

– Ситуацијата во Сирија –

Повторните борби меѓу режимските сили и антирежимските групи избувнаа на 27 ноември во руралните подрачја западно од големиот град Алепо.

До 30 ноември, опозициските сили презедоа контрола над поголемиот дел од центарот на градот Алепо и ја зазедоа покраината Идлиб.

На 1 декември, опозициската Сириска национална армија ја започна операцијата „Зора на слободата“ против терористичката организација ПКК/ЈПГ во подрачјето на Тел Рифат во руралниот дел на Алепо, ослободувајќи ја областа од терористички елементи.

Антирежимските сили ја зазедоа Хама во четвртокот и продолжија да напредуваат во текот на вчерашниот ден, заземајќи ги Растан и Талбисе во покраината Хомс.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

VERO JUMBO MACEDONIA

EVN MACEDONIA

MARKETING

Претходно

ВЛЕН: Зголемување на платите за здравствените работници – Подобра грижа за граѓаните!

Следно

Во Маврови Анови и Попова Шапка 40 сантиметри снег, најмногу дожд во Крива Паланка и Виница

Latest from Blog

По 300 години, „синиот змеј“ повторно забележан во Средоземното Море

 Овој вид полжав без школка, којшто се одликува со своите светлосини и сребрени нијанси, природно ги населува отворените води на Атлантскиот, Тихиот и Индискиот Океан. Неговото присуство во Средоземното Море, затоа, предизвикува

АЛБАНСКАТА ВИ-МИНИСТЕРКА СЕ ЈАВИ СО ПОРАКА „ Мојата мисија е што повеќе да ја олеснам работата на владата “

Премиерот Еди Рама преку објава на социјалната мрежа Фејсбук информираше дека Диела, првата државна министерка за вештачка интелигенција во Албанија, отворила своја официјална страница на оваа платформа. „Диела сега има и своја

Ана и Игор Дурловски – македонски песни со светска виртуозност во Битола

Синоќа, платото пред Офицерскиот дом во Битола беше исполнето со овации за оперските уметници Ана и Игор Дурловски, кои го изведоа концертот „Песни од срцата“. Стари македонски изворни песни беа отпеани со

Меџити тврди: Кандидатурите на Левица во албанските средини се усогласени со ДУИ

Првиот вицепремиер на Северна Македонија и еден од лидерите на коалицијата ВЛЕН, Изет Меџити, ги коментираше кандидатурите на партијата Левица во албанските општини, нагласувајќи дека тие не се случајни, туку тесно поврзани
Go toTop