Израел со години ја ракетира Сирија, тврдејќи дека напаѓа цели поврзани со Иран. Влијанието на Техеран во земјата разурната од војна се зголеми откако застана на страната на претседателот Башар ал Асад во конфликтот во 2011 година
Сириските државни медиуми објавија дека противвоздушната одбрана на земјата вчера се соочила со израелски ракетен напад во околината на главниот град Дамаск. Според извештаите, немало жртви.
Повикувајќи се на извор од сириската армија, државните медиуми пишуваат дека Сирија била нападната од правец на окупираната Голанска висорамнина и дека на мета биле неколку цели кои тие не ги идентификувале.
„Нашата противвоздушна одбрана се соочи со ракетите на агресорот, соборувајќи неколку од нив само со материјална штета“,
тврди воен извор.
Израел со години ја ракетира Сирија, тврдејќи дека напаѓа цели поврзани со Иран. Влијанието на Техеран во земјата разурната од војна се зголеми откако застана на страната на претседателот Башар ал Асад во конфликтот во 2011 година.
Израелски воени експерти посочуваат дека целта на нападот е да се запре растечкото воено присуство на Иран во Сирија.
Борците поврзани со Иран, вклучително и од Хезболах, сега контролираат области на исток, југ и северозапад од Сирија, како и неколку предградија околу Дамаск, пишува Ројтерс.
Извор: 360stepeni.mk
