Епицентарот на земјотресот бил на 40 километри југоисточно од Сингкил, крајбрежен округ во провинцијата Ачех. Земјотресот бил на длабочина од 37 километри
Земјотрес со јачина од 6,2 степени според Рихтеровата скала утрово ја погоди западна Индонезија, соопшти Геолошкиот институт на САД.
Епицентарот на земјотресот бил на 40 километри југоисточно од Сингкил, крајбрежен округ во провинцијата Ачех. Земјотресот бил на длабочина од 37 километри.
Според Агенцијата за метеорологија, климатологија и геофизика на Индонезија не е издадено предупредување за цунами, додека Агенцијата за катастрофи на земјата соопшти дека нема извештаи за жртви или голема материјална штета.
„Земјотресот предизвика паника кај луѓето. Се почувствува меѓу три до 10 секунди во четири окрузи во провинцијата Ачех и Северна Суматра“,
изјавиja од Агенцијата за ублажување на катастрофи БНПБ.
Индонезија често е погодена од земјотреси и вулкански ерупции. Во земјотресот со јачина од 5,6 степени според Рихтеровата скала на 21 ноември загинаа најмалку 331 лице, а речиси 600 беа повредени во градот Цианџур во Западна Јава. Тоа беше најсмртоносниот во Индонезија по земјотресот и цунамито во Сулавеси во 2018 година, кога загинаа околу 4 340 луѓе.
Во 2004 година, исклучително силен земјотрес во Индискиот Океан предизвика цунами во кое загинаа повеќе од 230 000 луѓе во десетина земји, повеќето од нив во провинцијата Ачех во Индонезија.
Извор: 360stepeni.mk
